India llactamanda Madhu a shuti huarmiguca ninmi: “Ñuca huahua cajpica, ñuca turimi cada punlla macahuan carca, rimahuan carca. Jipaman cazarajpica, ñuca suedrami maltratahuan carca. Ñuca suedra y ñuca suedropashmi sirvientatashna charihuan carca. Huañuchirina pensamientocunami japihuarca” ninmi.

 Organización Mundial de la Saludca, “mundo enteropimi huarmicunaca maltratai tucushpa causanajun” ninmi. Ashtahuangarin, cada quimsa huarmigucunamanda shuj huarmigumi paicunapa causaipica ima horapash macai tucushca o abusai tucushca ninmi.

 Shina pasashcamandachari quiquinga, maiman rishpapash na tranquilo sintiripangui, maltratai tucunata, rimai tucunata o violai tucunataca manllashpa puripangui. Chaimandami quiquinga talvez pensapangui, gentecunaca huarmicunataca na imapapash sirvinllu nishpami ricunga nishpa. Pero ¿Taita Diosca huarmi gentegucunamanda preocuparinllu?

 Bibliapica ninmi: “Jarita y huarmitami Taita Diosca rurarca” (Génesis 1:27).

 ¿Imata significan? Taita Diosmi jaritapash, huarmitapash rurarca. Tanto jaritapash como huarmitapash respetohuan tratachunmi munan. Ashtahuangarin, cusacunaca paicuna ‘juyarinshnallata paicunapa huarmitapash juyachunmi’ munan. Huarmigucunata shinlli palabracunahuan rimachun, macachunga na munanllu (Efesios 5:33; Colosenses 3:19). Imashinami ricupanchi, Taita Diosca huarmi gentegucunamandaca preocuparinmi.

 Argentina llactamanda María shuti huarmiguca ninmi: “Ñuca huahua cajpica, ñucapa huaquin familiacunallatami violahuarca. Cutin 17 huatacunata charijpica, ñucapa jefeca, si na ñucahuan relaciones sexualesta charinguica, trabajomanda llujchishpami cachasha nishpami amenazahuarca. Ashtahuan jipamanga, ñuca cusa, ñuca taitamamacuna y ñuca vecinocunapashmi ñucataca nimapa na valijtashna tratahuan carca. Pero jipamanga Tucuita Ruraj Jehová b Diosmandami yachajurcani. Taita Diosca tucuilla huarmigucunatami respetohuan tratan cashca. Chaita yachajushpami, Jehová Dios ñucata juyajta, paipa ñaupapica ñucaca ninan valishca cashcata segura capani” ninmi.

 Bibliapica ninmi: “Huaquin cumbacunaca, huauquitapash yali alicunami tian” (Proverbios 18:24).

 ¿Imata significan? Ali amigocunaca ayudanmi. Ali sintirichun ayudangami yashpaca, quiquin confianzata charij personamanmi quiquin imashina sintirijushcataca parlana capangui.

 Turquía llactamanda Elif shuti huarmiguca ninmi: “Ñuca violai tucushcataca, por 20 añosmi upalla nipimanbash na villashpa causarcani. Chaimandami ñucaca llaquilla, estresada, deprimida viñarcani. Pero jipamanga, ñucata pacienciahuan, aliguta uyangapaj munaj shuj personamanmi ima pasashcata parlarcani. Paihuan parlashpaca munaillami sintirircani” ninmi.

 Bibliapica ninmi: “Ima preocupaciongunata charishpapash [Taita Diosmanmi] tucuita saquina capanguichi. Porque paica, quiquingunamandaca ninandami preocuparin” (1 Pedro 5:7).

 ¿Imata significan? Taita Diosta oracionda rurashpa mañajpica, paica siempremi uyan (Salmo 55:22; 65:2). Taita Diosca ninandami quiquindaca juyan. Chaimi quiquindaca ninan valishca cashcata intindichun ayudaita ushan.

 Belice llactamanda Ana shuti huarmiguca ninmi: “Jehová Diosmanda yachajushpami ali sintirita ushapashcani. Cunanga oracionda rurashpami ñuca imashna sintirishcataca tucuita paiman villaita ushapani. Paica ñucapa ali amigomi can. Ñuca imasha sintirijtaca paica alimi yachan” ninmi.

 Bibliapica ninmi: ‘Mandaj Diosca, Taita mama illaj huahuacunatapash, llaquichi tucushcacunatapash mitsashpami uyariajupangui. Alpata rurashca runa ama ashtahuan llaquichishpa catijuchunmi, chashna rurapangui’ (Salmo 10:​17, 18).

 ¿Imata significan? Jehová Diosca ñallami tucuilla nali ruraicunata tucuchinga. Huarmi gentegucuna macai tucunajuchun, maltratai tucunajuchunga ñana saquingachu.

 México llactamanda Roberta shuti huarmiguca ninmi: “Taita Diosca huarmigucuna, joven solteragucuna maltratai tucuchunga na munashcachu. Ashtahuangarin, ñallami Taita Diosca chai llaquicunata tucuchigrijushca. Chaicunata yachajushpaca, imapash jambiguta ufiashnami ali sintirircani. Cunanbica ashtahuan tranquilami sintirini” ninmi.

 Bibliapica ¿ima promesacuna tian? ¿Imamandata chai promesacunapi confiaita ushapanchi? ¿Imashinata testigo de Jehovacunaca Bibliahuan ayudaita ushapanchi? Chai tapuicunata yachangapaj munashpaca, quiquinda cayachun o visitachun mañapailla.

 Imprimingapami cai temataca descarganalla capangui.