¿Ima verdad cashcata o ima llulla cashcata intindinaca facilchu can? Mundo enteropi ashtaca gentecunami verdadca na tianllu nin. a

 Cai yuyaica pundamandallatami tiashca. Más o menos 2 mil huatacuna huashamanmi, Roma llactamanda gobernador Poncio Pilatoca burlarishpami Jesustaca cashna tapurca: Cabal yachachishcacunaca “¿imata canyari?” nishpa (Juan 18:38). Pilatoca na yachana munaihuan tapushpapash, cai tapuica alipachami carca. Cai mundopi gentecunaca ima verdad o ima llulla cashcataca na atinanllu. Shinapash Bibliaca tapuicunata aliguta contestashpami ima verdad o ima llulla cashcata cabalta intindichun ayudan.

¿Ciertopachachu verdadca tian?

 Ari. Bibliapica “verdad” shimitaca imapash ciertopacha pasashcata ricuchingapaj, imapash ali cashcata ningapami utilizan. Shinallata, Jehová Diosca tucui verdadta parlaj Diosmi can. Chaimandami ‘na llullaj Taita Dios’ nishpa rijsin (Salmo 31:5). Bibliapimi Taita Diosmanda cabalguta yachajui ushanchi. Bibliapica verdadtaca michahuanmi comparan. Mundo enteropi gentecunashna ama pandarishpa causachunmi ayudaita ushan (Salmo 43:3; Juan 17:17).

Cabal yachachishcacunataca ¿maipita tari ushangui?

 Taita Diosca Bibliapi yachachishcacunata na aliguta intindishpata chasquichunga na munanllu. Chaipa randica aliguta pensarishpa, aliguta yachajuchunmi munan (Romanos 12:1). Taita Diosca paita aliguta rijsichun, ‘tucui yuyaihuan’ juyachun, Bibliapi yachachishcacuna cabal cashcata aliguta yachajuchunbashmi animan (Mateo 22:37, 38; Hechos 17:11).

Llullacunaca ¿maipita tiai callarirca?

 Bibliapica Taita Diospa contra Satanás Diablomi llullacunataca callarichirca ninmi. Chaimandami Bibliapica Diablotaca “llullapa taitami can” nin (Juan 8:44). Diabloca Adán y Evamanmi Taita Diosmanda llullacunata nirca (Génesis 3:1-6, 13, 17-19; 5:5). Chai punllamandapachami Diabloca Taita Diosmanda llullacunata nishpa catishca, Taita Diosmanda yachajuchunbash na saquishca (Apocalipsis 12:9).

¿Imamandata llullanaca cunan punllacunapi normal can?

 Bibliapi nishcashnaca ‘último punllacunapimi causanajushcamanmi’, Diabloca gentecunataca ashtahuan ashtahuan pandachishpa, llullashpa catin. Gentecunaca shujcunata umachingapaj, paicunamanda aprovecharingapami llullacunata nin (2 Timoteo 3:1, 13). Religiongunapipash cunan punllacunapica llullanaca normal can. Bibliapi ña nishcashnaca, cunan punllacunapi ‘gentecunaca llulla parlocunatara uyanajushpami, cabal yachachishcacunataca ñana uyangapaj’ munan (2 Timoteo 4:3, 4).

¿Imamandata verdadta yachajunaca importante can?

 Gentecunapurapi confianza tiachunga siempremi verdadta parlana can. Na confianza tiajpica amistadta charina, shujcunahuan llevarinapash na facilchu can. Bibliapica Taita Diosca cabalta intindishpa adorachunmi munan nin. Chaimandami nin: “Taita Diosta adorajcunaca, Taita Diospa espíritu santo ayudachun saquishpa y Taita Diosmanda cabal yachachishcacunata chasquishpami adorana can” nishpa (Juan 4:24). Bibliapi yachachishcacunata cabalguta yachajushpa, maijan religionguna llullacunata yachachijushcata yachashpaca, chaicunamanda caruyangapaca “¿Ima llullacunata Taita Diosmanda caruyachin?” nishca temacunata liipai.

¿Imamandata Taita Diosca verdadta yachajuchun munan?

 Taita Diosca quiquin salvarichunmi munan. Salvaringapaca Bibliapi yachachishcacunatami cabalguta yachajuna capangui (1 Timoteo 2:4). Bibliapi ima ali cashcata, ima nali cashcata yachajushpa quiquinba causaipi pactachishpaca, Taita Diospa amigomi tucungui (Salmo 15:1, 2). Gentecuna cabalguta yachajuchunga Taita Diosca Jesustami cai alpaman cachamurca. Chaimandami Jesuspa yachachishcata uyachun munan (Mateo 17:5; Juan 18:37).

Taita Diosca ¿llullacunata ima horapash tucuchingacha?

 Ari, tucuchingami. Taita Diosca shujcunata llullashpa umachijcunataca millanayachishpami ricun. Taita Diosca llullashpa causaj gentecunataca tucuchitapachami tucuchisha ninmi (Salmo 5:6). Shinami Taita Dios nishcashna verdadta o cabalta ‘villaj runaca causaita causanga’ (Proverbios 12:19).