México Obregón llactapimi nacirircani. Nueve huahuacumandaca ñucaca quinto churimi cani. Pueblomanda canllamanmi causarcanchi, chaipimi ñuca taitaca alpacunata cuidan carca. Familia entero cushillami causarcanchi chaipi causanaca juyaillagumi carca. Ñuca 5 huatata charijpillami jatun llaquita charircanchi, shuj shinlli acapanami chai pushtuta tucuchirca, chaimi puebloman causangapa rina tucurcanchi.

 Ñuca taitaca trabajopi culquitaca alimi ganan carca, shinapash paica yapatami machai callarirca. Chaimi cusa huarmipash na ali causarca, ñucanchitapash llaquichirca. Ñuca huauquicuna, ñucapashmi taitapa tabacota shuhuashpa chupai callarircanchi. Seis huatacunatalla charishpami primera vez macharcani. Chai jipallami ñuca taitacunaca separarirca chaimi ashtahuan nalicunata rurashpa catircani.

 Ñuca mamaca shuj jarihuan rishpami ñucanchitaca paihuan causangapa pusharca. Chai jarica culquita na cunllu carca, ñuca mamapa trabajashca culquigupash causangapaca na pactanllu carca. Chaimi ñuca huauquicunapash ñucapash imagupipash trabajana tucurcanchi. Shinapash ima minishtirishcaguhuan causangapapash na tari usharcanchichu. Ñucaca zapatocunata limpiashpa tandata, periodicota, chicleta y shuj cosascunatapash jatushpami trabajan carcani. Ashtahuanbash charij gentecunapa basurapi shitashca micunata mascashpami purin carcani.

 10 huatacunatalla charijpimi shuj jarica basurata shitaj pushtupi trabajachun invitahuarca. Chaimi escuelatapash saquishpa huasimandapash rircani. Dolarmandapash menosta pagashpa micunatapash basuramanda japishpami carahuan carca. Chaipi tarishca cosasgucunahuanmi, maipi causanagutapash rurarcani. Chaipi gentecunaca nali shimicunata parlashpa, shucunarin nalicunata rurashpa, drogarishpa machashpami causan carca. Ñucapaca chai causaica llaquipachami carca, manllaimanda cada tutami huacan carcani. Na estudiashca caimanda pobre caimandaca ninandami pinganayan carca. Quimsa huatatami chai basurata shitaj pushtupica causarcani. Chai jipami shuj llactaman rishpa shuj pambapi, sisacunata, papata, viruta, algodondapash japishpami trabajarcani.

 Chuscu huata jipallami Obregón llactaman tigrarcani. Ñuca tiami paipa huasipi shuj cuartoguta mañachihuarca paica yachajmi carca, chaimi ninanda muspachihuan carca, llaqui llaqui caimandami huañungapajpash munarcani. Shuj tutaca Taita Diosta cashna nishpami mañarcani: “Quiquin ciertopacha tiajpica canda rijsishpa para siempre servishpa causangapami munapani. Shuj ali religión tiajpica taringapami munapani” nircanimi.

 Taita Diosmandaca siempremi yachangapa munashcani. Huahua cashpallatami shuj shuj religiongunaman rin carcani. Pero maijanbash na ali carcachu. Bibliamandaca nimata na yachachihuarcachu Taita Diosta rijsichunbash na ayudahuarcachu. Huaquin religiongunapica culquipillami yuyan carca, shujcunacarin mapa cosascunata rurashpami causan carca.

 19 huatacunata charijpimi ñuca cuñadoca testigo de Jehovacuna imagengunamanda Bibliapi ima nijta ricuchihuarca. Éxodo 20:4, 5​tami liirca, chaipica cashnami nin imaman rijchajcunatapash na ruranachu canguichi nishpa. Cati versículo 5​picarin ninmi: “Chaicunataca ama cunguringuichu, alicachitallapash ama alicachinguichu. Ñucami canda Mandaj Taita Dios cani. Ñucaca ninan ushaita charij, ñucapajlla cachun munaj Diosmi cani”. nishpa Chaimi ñuca cuñadoca tapuhuarca: “Taita Dios paita adorachun milagrocunata rurachun, imagengunata utilizachun munashpaca, ¿imashpata na utilizanachu canguichi nin”. Chaimi pensarishpa quidarcani. Chai punllamandapachami bibliamanda temacunata cutin cutin parlai callarircanchi. Bibliamanda parlanataca ninandami gushtan carcani, chaimi tiempoca ñapash yalin carca.

 Chai jipallami ñuca cuñadohuan Testigo de Jehovacunapa tandanajuiman rircani. Chaipi ricushcata, uyashcataca ninandami alicachircani. ¡Uchilla huahuagucunapashmi comentariocunata cun carca, tucuicunapa ñaupapipash alipachami parlanajurca! Chai tandanajuipi gentecunata ali ali yachachijta ricushpaca ninandami alicachircani. Ñucataca largo ajchahuan nali churajushca rijpipash, tucuicunami juyaihuan ali tratahuarca. Shuj familiacarin tandanajui jipa paicunahuan micungapami invitahuarca.

 Testigocunahuan bibliata yachajushpami, Jehovaca Diosca juyaj taita cashcata, shujcunapi preocuparin cashcatapash yachajurcani, paipaca na importanllu culquita charij na charij, maimanda cajpipash estudiashca na estudiashca cajpipash. Taita Diosca na pitapash ñavita ricushpalla juyanllu (Hechos 10:34, 35). Cunansi Taita Diosta rijsina munaita charishcataca tarircanimi.

 Ñuca causaica cambiashpami catirca. Tabacota chupanata, tragota ufianata, na ali shimicunata ninatapash saquishcanimi. Fiñarishpalla causaipash, ninanda muspachijui muscuicunapash asha ashami chingarishpa catirca. Shinallata huahua cashpa ashtaca llaquicunata charishcamanda, escuelatapash na tucuchishca caimandami imapapash na sirvij shina sintirishcani, chaicunatapash mishai ushashcanimi.

 Cunanga Jehová Diosta juyaj huarmigutami charini paica ninandami ayudahuan. Cunanbica superintendente viajante de los testigos de Jehová shinami sirvijuni, congregaciongunata visitashpa, huauquicunata animashpa yachachishpami purini. Ñuca llaquilla cajpi biblia ayudashcamanda, Taita Dios yachachishcamandami ñana, ñucamandallata pingai tucuni.