20 de juliomanda 20 de agosto de 2023​camanga, 2 millón yali gentecunami torneo mundial de fútbol femenino nishcaman rirca. Cai torneoca Australia y Nueva Zelanda llactacunapa huaquin pushtucunapimi carca. Cai torneo punllacunaca, chai ishcai llactacunapa 9 ciudadcunapimi shuj campaña especialpi más o menos 1.200 huauquipanicuna participarca. Chaipica más o menos 18 personacunami Bibliamanda yachajungapaj munarca.

India llactamanda ishcai joven huarmicunami Sídney (Australia) llactapi tiajushca ñucanchi cocheguman quimirirca. Chaipica Bibliamanda gratis yachachinchi nishca letrerotami ricurca. Paicunaca maipita Bibliamandaca yachajui ushanchi nishpami panigucunataca tapurca. Chaimi panigucunaca Bibliamanda imashina yachajui ushashcata parlarca. Shinallata Cushilla causapashunchi nishca folletomanda código QR nishcata escaneashpa paicunapa huasipi visitachun imashina mañanatapashmi panigucunaca explicarca. Cai ishcai huarmicunaca, chai ratomi Bibliamanda yachachichun munani nishca formulariota Internepi jundachishpa Bibliamanda yachajui callarirca.

Brisbane (Australia) llactapica, shuj cusahuarmi testigo de Jehovacunaca chingarishca purijuj shuj joven cuitsagutami ayudangapaj munarca. Chai cuitsaguca pai quidajushca hoteltami mascajushca carca. Chaimi chai cusahuarmica ayudashunllami nirca. Hotelman rijushpaca, chai cuitsaca Papúa Nueva Guinea llactamadami cani nirca. Cai cusahuarmipash chai llactapi punda causashcata yachashpaca ninandami cushijurca. Aliguta parlashca jipaca paicunapa dirección, número de telefonotami randimanda compartirirca. Chai cusahuarmica cai cuitsaman chai llactata rijsichingapami ashtahuan chishi tuparica. Chaipica Bibliamanda parlangapami aprovecharca. Chai cuitsa paipa llactaman tigrashpaca Bibliamandami yachajui callarirca.

Auckland (Nueva Zelanda) llactapica, Terina shuti paniguca shuj parqueaderopimi punyabí idiomata parlaj ishcai guardiacunahuan parlajurca. Chaipimi shuj guardia shamushpa punyabí idiomapi chai ishcai guardiacunahuan parlai callarirca. Paniguca trabajo horas parlajujpimi paicunataca tacurin yarcami. Shinapash chai guardiaca, quiquin imata nishcatallami paicunamanga paicuna propio shimipi traducircani nishpa villajpica, chai paniguca ninandami cushijurca. Chai guardiaca caitapashmi nirca: “Paicunaca Bibliaca imata can nishpami tapurca. Chaimi Taita Diospa Shimimi can nishpa contestarcani. ¿Shinachu can?” nircami. Chaimi Terina paniguca, ari shinami can nishpa contestarca. Shinallata, jw.org paginaman yaicushpa paicunapa idiomapilla Bibliamanda yachajungapaj imata ruranata cada unoman ricuchirca.

Colombia llactamanda Nicholas shuti jarica, Brisbane (Australia) llactapi publicación cocheguman quimirishpami ñucanchi reuniongunamanda informacionda mañarca. Paica ñuca mamapash, ñuca abuelocunapash testigo de Jehovacunami can. Paicunaca shuj Salón del Reinoman richunmi ñucataca animahuan nishpami parlarca. Huauquicunaca español shimipi congregacionmanda shuj huauquihuan parlachunmi arreglocunata rurarca. Narapash shuj horas cajpillatami españolmanda shuj huauquica, Nicholasta cayashpa ‘Pacienciata charinami capanguichi’ nishca asambleaman chai semanallata richun ayudarca.

Australia y Nueva Zelanda llactamanda huauquipanicuna cai torneopi ali villaigucunata predicashpa ‘shuj michagushna punchapambata brillana’ oportunidadta charishcamandaca ninandami cushijunchi (Filipenses 2:15).