PARTI 3
Edén jardincäćhu, ¿imanuyćha cawsayca cala?
Adantawan Evacta, Dios ula allintan imacunactapis (Génesis 1:28)
Jehovämi, Eva punta walmita licalichila. Adanman ula walmin canampa (Génesis 2:21, 22)
Adantawan Evacta, Dios licalichila mana juchayücamacta. Tantiaynimpis aychancunapis suma allincamam cala
Yaćhapäcula Edén jardincäćhumi, tuqui munay munaymi cala, mayupis, jaćhapis imaymana uywacunapis. ¡Tuqui cacuymá cala!
Jehová, paycunawan limanaculam, imacunactapis yaćhachilam. Wiñay wiñay cawsayta munal’a, chay tuqui cacuycäćhu, Diosta uyaliculcänanmá cala
Diosmi mandala jucnin jaćhapi mana micapäcunampa (Génesis 2:16, 17)
Diosninchicta, juc anjilmi juyuman muyulcul cuntralun. Chay juyu anjilcami, Satanás Diabluca
Diosmi, Adanta Evactawan mandala: “Amam micapäcunquichu cay juc jaćhapa wayuyninta”. Chay jaćhapi micalalil wañupäcunanmi cala
Satanás, manam munanchu nunacuna Jehovata casuculcänanta. Culibraycäwanmi limapala Evacta: “Cay jaćhapi miculul’a manam wañunquichu, aśhwampa Diosnulämi canquipis”. ¡Jay’a jatun casquicuymá! (Génesis 3:1-5)
Gustamanmanmi
BIBLIAPI PUYDI YAĆHACHICUYCUNA
¿Imapaćha Diosninchic cay allpäta lulala?
Enterun allpäca sumä tuquillam. Intipi manam cercallachu ni calućhuchu, sumä allin muyuyan ñatac sumä ćhulaycuy. ¿Imapïmi licalichila sumä alli enterun allpäta?
