03 YACHANA PARTI
Biblia nishcaga quiribaglla chan
Bibliaibiga ashca yachaigunatami tupanchi. Biblia nishcata yachanata munanguimachari. Chasna acpihuas, Biblia tucui nishcata manachari quiringuichu. Callari timpu quillcashca libroibi quirinata ushanguichu. Bibliaga, cunan punzhaibi, shamungarauc punzhagunaibi, cushi causangui nishcata quirinata ushanguichu. Ashca runagunami caita quirisha, indá ninchi. Imahua Biblia nishcata quirisha, canllata yachasha musiari.
1. Biblia cuintashcaga pactarirachu
Bibliaga “sirtu shimi” man. Mana pandarisha quillcashca shimitami charin (Eclesiastes 12:10). Callari timpuibi sirtu tucushcata, runaguna sirtu causashcatami riman (Lucas 1:3; 3:1, 2ta leipai). Ashcata estudiau runagunaga, Biblia nishca, sirtu ashcatami ninaun. Ima punzha pactarishcata, runagunamanda, pistugunamanda, Biblia sirtu nishcatami intindishcauna.
2. Callari timpuibi quillcashca libro acpihuas, imahuata Bibliaibi quirina anchi
Bibliaga callari timpumanda causai imasa ashcata cuintan. Cai libroga cientificoguna nishcamandas riman. Chasna ashahuas, Bibliata quillcashca timpuibi, ashca runagunaga Biblia nishcata mana quirinaurachu. Cunan punzhaibi, cientificogunaga Biblia nishcata sirtu man ninaun. Biblia nishcaga “cunanmanda huiñaigama, quiribaglla man” (Salmo 111:8).
3. Shamungarauc punzhagunamanda Biblia nishcata imahuata quirinchi
Bibliaibiga “chara mana pactarishcamanda” profeciaguna a tian (Isaias 46:10). Bibliaga caiguna mana pactarigllaitami, ashca timpu huashama, ña rimara. Chasnallata, mundu intiruibi tucuushcataga, tucuitami pagllai nira. Caibiga, maican profeciagunamandami yachashun. Biblia nishca pactarishcata ricushaga, manzharishca shinami saquirinchi.
CAIMANDA MASTA YACHAI
Bibliaga cienciamanda rimashahuas mana pandarishcata ricushun. Chasnallata, Bibliamanda maican profeciagunata yachashun.
4. Bibliaga mana pandarinzhu
Bibliata quillcashca timpuibi, runaguna cai Allpamanda imatas quiric manaura. VIDEOTA ricuichi.
Job libroga 3.500 huata huashama quillcashca man. Cai libro imata nishcata ricushun. Job 26:7ta leichi, huasha cai tapuimanda cuintanacuichi:
-
Bibliaga Allpa “mana imaibihuas apirisha huarcuriuc” nishcata yachashaga, imatata pinsangui.
Mar yacu ima tucushcataga, 200 huataguna huashamalla runaguna yachanaura. Chasna ashahuas, Bibliaga 3.500 huata huashamami, cai yacu ima tucushcamanda nic ara. Job 36:27, 28ta leichi, huasha cai tapuigunamanda cuintanacuichi:
-
Yacu ima tucuc ashcamanda yachashaga imasata sintiringui.
-
Cai leishca textogunaga Bibliaibi quiringahua yanapaitucunguichu.
5. Bibliaga ima tucungaraushcamandami rimara
Isaias 44:27-45:2ta leichi, huasha cai tapuimanda cuintanacuichi:
-
200 huataguna mana pactarigllaita, Babilonia chingaringaraushcamanda, Bibliaga imatata nira.
Bibliaga nin, huata 539 mana Jesus shamugllaita, Persiamanda rey Ciroga paiba soldadogunahuan Babilonia llactata binsinaura. Llacta mayanbi auc yacuta chaquichinaura. Babilonia punguta pascasha saquishcamanda, mana macanacushallata yaicusha binsinaura. Caiga 2.500 huata huashami pactarira. Babiloniaga cunangama shuc rumi muntunmi tucusha catin. Cunanga, Biblia nishca ima pactaringaraushcata ricui.
Isaias 13:19, 20ta leichi, huasha cai tapuimanda cuintanacuichi:
-
Imashinata cai profecia pactarira.
Iraq llactaibi, chingarishca Babilonia
6. Bibliaga cunan punzhai ima tucuushcagunatami riman
Bibliaga “tucurina punzhagunaibi” causaunchi nin (2 Timoteo 3:1). Cai punzhagunaraicu Biblia ima nishcata ricui:
Mateo 24:6, 7ta leichi, huasha cai tapuimanda cuintanacuichi:
-
Tucuringarauc punzhagunamanda Bibliaga imatata nira.
2 Timoteo 3:1-5ta leichi, huasha cai tapuigunamanda cuintanacuichi:
-
Biblia nishca shinaga cai tucuringarauc punzhagunaibi runaguna imashina anata rimara.
-
Canga casna sami runagunata ricushcanguichu.
MAICANGUNAGA CASNAMI NINAUN: “Bibliaga runaguna yuyaita quillcashcalla man”.
-
Biblia nishcata quiringahua, imata yanapaitucungui.
IMATA YACHASHCANGUI
Cai munduibi ima tucushca, cientificoguna nishca, profeciaguna pactarishcami, Bibliaibi quiringahua yanapaitucunchi.
Yachashcata cuintai
-
Biblia nishcaga sirtutachu pactarira.
-
Cientificogunaga Biblia nishcamanda imatata ninaun.
-
Biblia nishca, shamuc punzhagunaibi pactaringaraushcata quiringuichu. Imahuata chasna yuyangui.
CANLLATA MASTA YACHAI
Cientificoguna nishcahuan Bibliaga mana pandarinzhu.
“Biblia nishcaga cientificoguna rimashca shina chan” (jw.org internet pistuibi)
“Tucurina punzhagunaibi” causaushcata imatata ricuchin.
“Cunan punzhai sucta pactariu profeciaguna” (La Atalaya, 1 de mayo de 2011)
Grecia llactamanda Biblia nishca profeciaga imasa pactarishcata yachai.
Biblia nishca profeciaguna, imasa shuc runa pai yuyashcata cambiachishcata ricui.
a Profeciaga Dios partimanda shamungarauc punzhagunaibi ima tucungaraushcata cuintan.
