David la ranport la viktoir su Goliat parske li té apui ali su Jéova (1 Sam 17:45). Jéova i ve soutien par son fors chakèn son bann sèrviteur (2 Kron 16:9). Olèrk baz anou su nout léspèryans ou nout kapasité, koman nou pe apui anou su lèd ke Jéova i donn ? Ala 3 fason pou fé sa :

• Pri toultan. Pri pa rienk pou demann pardon pou out fot, mé osi pou gingn la fors pou rejèt in tantasion (Mat 6:12, 13). Pri pa Jéova seulman pou ke li béni in désizion ke ou la finn prann, mé osi pou ke li gid aou, é ke li donn aou son sajès avan ke ou pran in désizion (Jak 1:5).

• Pran labitud lir é étudié la Bib. Lir la Bib tou lé jour (Ps 1:2). Réfléchi an profondeur su bann pèrsonaj la Bib é aprésa mèt an pratik sak ou la aprann (Jak 1:23-25). Olèrk apui aou su sak ou koné déja, prépar aou bien avan alé préché. Pou bien profit bann rénion lasanblé, prépar a lavans bann sujé i sa koz desu.

• Travay min dan la min èk lorganizasion Jéova. Ténir aou o kouran bann dèrnié zinstruksion ke lorganizasion Jéova i donn, é tard pa pou aplik azot (Nonm 9:17). Kan bann zansien i donn bann konsèy ou bann zinstruksion, ékout azot (Ébr 13:17).

GARD LE VIDÉO PA BEZOIN NOU LA PEUR KAN NOU LÉ MALTRÉTÉ AKOZ NOUT KROIYANS, APRÉSA RÉPONN BANN KÉSTION LA :

• Kèl kalité zafèr té fé peur bann frèr é seur la ?

• Kosa la èd banna surmont bann zafèr ke zot lavé peur ?