Jéova i ve ke nou sèrv ali parske nou ièm ali (Mat 22:37, 38). Sé lamour pou Bondieu ke va donn in létudian la Bib la fors pou fé bann chanjman ki fo, é tienbo dann malizé (1 Jan 5:3). Sé lamour pou Bondieu ke va donn ali lanvi pran son batèm.

Èd out bann zétudian voir dan zot vi lamour ke Jéova néna pou zot. Poz azot bann késtion la : « Kosa sa i aprann aou su Jéova ? » ou « Koman sa i amont ke Bondieu i ièm aou ? ». Èd azot bien voir koman Jéova i soutien azot dan zot vi (2 Kron 16:9). Rakont azot koman Jéova la réponn bann priyèr prési ke ou la fé, é ankouraj azot gèt bien le fason li réponn zot priyèr. Kan nou voi in létudian la Bib i resan lamour Jéova, é ke li osi li kré in lien for avèk Jéova, sa i kontant nout keur.

GARD LE TI FIM ALON ÈD NOUT BANN ZÉTUDIAN LA BIB KONSTRUI IN LAMITIÉ ANT ZOT É JÉOVA, APRÉSA RÉPONN BANN KÉSTION LA :

• Kèl difikulté Jade la pas dedan ?

• Koman Neeta la èd Jade pou surmont sa ?

• Koman Jade la gingn surmont se difikulté la ?