LESON 43
Bann krétien é lalkol
Pa tout domoun i voi lalkol le mèm fason. Na in pe i ièm boir in vèr tanzantan èk kamarad. Dot i choizi pa boir dutou. Dot ankor i boi juskatank zot lé sou. Kosa la Bib i di su lalkol ?
1. Èske lé mal boi lalkol ?
La Bib i défann pa boir. O kontrèr, li di ke anparmi tout bann kado ke Bondieu la fé bann zumin, néna « le vin ki kontant le keur d’lom » (Psom 104:14, 15). Li di mèm ke désèrtin zadorateur Jéova té boi in pe (1 Timoté 5:23).
2. Kèl konsèy la Bib i donn pou sak i désid boir ?
Jéova i ièm pa kan i boi tro é kan i boi sou (Galat 5:21). Son Parol i di : « Trouv pa ou anparmi sak i boi tro de vin » (Provèrb 23:20). Donk, si nou désid boir—mèm kan domoun i voi pa nou —, nou va pa boir juskatank nou konpran pu rien, nou gingn pu kontrol nout bann parol é sak nou fé, oubien i poz problèm nout santé. É si nou ariv pa kontrol anou kan nou boi, vo mieu arèt boir.
3. Koman nou devré konsidèr bann désizion lé zot su lalkol ?
Chakèn i désid boir ou pa. Donk si in moun i désid boir in pe, nou doi réspèk son désizion. Si in moun i désid pa boir, nou doi pa oblij ali (Romin 14:10). É si in moun i voi anou boir é i poz ali in problèm, nou va désid pa boir (lir Romin 14:21). Nou rod « non pa [nout] prop lavantaj, mé sad lot » (lir 1 Korintien 10:23, 24).
ALON APRANN PLUS
Alon réfléchi su bann prinsip biblik ke va èd aou désid si ou va boir ou non é, si oui, kèl kantité. Alon voir osi sak ou pe fé si ou sobat kont in problèm lalkol.
4. Désid si ou va boir ou pa
Koman Jézu té konsidèr lalkol ? Pou konèt, alon koz su le premié mirak ke li la fé. Lir Jan 2:1-11 é koz su bann késtion la :
-
Kosa mirak la i aprann anou su le fason Jézu i konsidèr lalkol é sak i boi ?
-
Kom Jézu i intèrdi pa boir, koman in krétien i konsidèr in moun ki désid boir ?
Donk la Bib i anpèch pa in krétien boi lalkol. Mé dann detroi situasion i sra plu rézonab pa boir. Lir Provèrb 22:3 é koz su le fason mèt an pratik prinsip la, dan bann situasion an d’sou la :
-
Ou sar kondui oubien utiliz in machinn.
-
Ou lé ansint.
-
In médsin i di aou pa boir.
-
Ou gingn pa kontrol la kantité ke ou boi.
-
La loi i anpèch aou boi lalkol.
-
Ou lé èk in moun ke la désid pa boir, parske li lavé problèm lalkol avan.
Èske ou devré sèrv lalkol pou in fèt, par égzanp pou in maryaj ? Avan réponn késtion la, gard le VIDÉO.
Lir Romin 13:13 é 1 Korintien 10:31, 32. Aprésa, koz su késtion la :
-
Koman prinsip la, i pe èd aou pran in désizion ke va fé plézir Jéova ?
Sé chak krétien ki désid si li va boir ou pa. É mèm si nadfoi li boi, somanké pou dot zokazion li va préfèr pa boir.
5. Mèt aou in limit
Si ou désid boir, rapèl aou ke, mèm si Jéova i anpèch pa boir, li kondann kan i boi tro. Poukosa ? Lir Ozé 4:11, 18 é koz su késtion la :
-
Kosa i pe ariv in moun ki boi tro ?
Koman évit boi tro ? I fo èt modès é rekonèt son bann limit. Lir Provèrb 11:2 é koz su késtion la :
-
Poukosa lé bien mèt in limit su la kantité lalkol ke nou pèrmèt anou boi ?
6. Koman sobat kont lanvi boir toultan lalkol
Pou voir sak la èd in mesieu sobat kont son lanvi boir toultan lalkol, gard le VIDÉO. Aprésa, koz su bann késtion ki vien apré.
-
Kèl léfé lalkol lavé su Dmitry ?
-
Èske li la gingn arèt boi d’in kou ?
-
Kosa la èd ali arèt abuz lalkol in foi pou tout ?
Lir 1 Korintien 6:10, 11 é koz su bann késtion la :
-
Kèl konsékans grav abuz lalkol i pe avoir ?
-
Kosa i mont ke in moun ki abuz lalkol i pe chanjé ?
Lir Matieu 5:30 é koz su késtion la :
-
« Koup la min » i lès antann ki fo fé bann sakrifis pou fé plézir Jéova. Kosa ou pe fé si ou sobat kont in problèm lalkol a ?
Lir 1 Korintien 15:33 é koz su késtion la :
-
Kèl linfluans out bann kamarad i pe avoir su la kantité ou boi lalkol ?
DOMOUN I POURÉ DEMANN AOU : « Èske lé mal boi lalkol ? »
-
Kosa ou noré réponn ?
SAK NOU LA APRANN
Jéova la prévu ke lalkol i aport anou la joi, mé li kondann kan i boi tro é kan i gingn pu san pasé.
Alon révizé
-
Kosa la Bib i di su lalkol ?
-
Kèl danjé néna boir tro ?
-
Koman nou doi konsidèr bann désizion lé zot su lalkol ?
GARD SA OSI
Koman in jeun i pe fé bann bon choi par rapor lalkol ?
Bann zidé pratik ki pe èd in moun sobat kont son bann problèm lalkol.
« Quelle place l’alcool a-t-il dans votre vie ? » (La Tour de Garde, 1er janvier 2010)
Èske in krétien i pe trinké ?
« Questions des lecteurs » (La Tour de Garde, 15 février 2007)
Sak la èd in lalkolik sobat kont son lanvi boir toultan (son zistoir « J’étais une barrique sans fond »).
« La Bible transforme des vies » (La Tour de Garde, 1er mai 2012)
a In moun i ve sobat kont son lanvi boir toultan lalkol, nora petèt bezoin lèd in spésialis. An plus, in bonpe médsin i konsèy sak la fini gingn problèm èk lalkol, arèt boir.
