LESON 51
Bann parol ki onor Jéova
Jéova la fé in gayar kado, kan li la donn bann zumin la kapasité kozé. Donk lé normal ke li ve, ke nou utiliz bien nout lang (lir Jak 1:26). Alon voir koman nou pe onor Jéova kan nou koz.
1. Koman bien ansèrv nout lang ?
La Bib i di : « Kontinué ankouraj azot inn é lot é rann azot plu for inn é lot » (1 Tésalonisien 5:11). Èske an se moman ou koné in moun ke lé dékourajé ? Koman ou pe ankouraj ali ? Ou pe di ali ke li lé inportan pou ou, é rapèl ali sak ou ièm ché li. Èske ou pans in vèrsé ke va fé du bien in moun ? Surman néna in bonpe. Oubli pa ke le fason ou koz, lé osi inportan ke bann mo ke ou utiliz. Alor, koz toujour èk douseur, èk jantiyès (Provèrb 15:1).
2. Kèl parol in krétien i doi rejeté ?
Nou lir dan la Bib : « Ke okin kozman pouri i sort dan zot bouch » (lir Éfézien 4:29). Donk i fo pa nout bouch lé sal, é i fo pa nou fé bann remark pou blès in moun éspré. Nou malparl pa, é nou ramas pa manteur su in moun pou détrui son réputasion (lir Provèrb 16:28).
3. Koman koz in fason ki ankouraj lé zot ?
An jénéral, sak nou di i mont sak nou pans é sak nou resan (Luk 6:45). Dukou lé inportan kal nout léspri su bann bon zafèr, su bann zafèr ‘jus, pur, ke i vo la pèn ke nou ièm é sak i mérit bann louanj’ (Filipien 4:8). Pou gingn fé sa, i fo nou choizi bien nout bann divèrtisman é nout bann kamarad (Provèrb 13:20). Lé bien osi réfléchi avan kozé é demann anou kèl léfé sak nou di nora su lé zot. La Bib i di : « Néna d’moun i koz san réfléchi komsi zot i donn bann kou d’lépé, mé la lang bann domoun saj i aport la gérizon » (Provèrb 12:18).
ALON APRANN PLUS
Alon voir plus an détay koman koz in fason, ki onor Jéova é ki ankouraj lé zot.
4. Koman métriz nout lang
I ariv nout tout di bann zafèr ke nou regrèt apré (Jak 3:2). Lir Galat 5:22, 23 é koz su bann késtion la :
-
Pou mieu métriz out lang, kèl kalité ou pe demann Jéova èd aou avoir ? Dan kèl situasion bann kalité la, i sra util ? Poukosa ?
Lir 1 Korintien 15:33 é koz su késtion la :
-
Kèl léfé out bann kamarad é out bann divèrtisman i pe avoir su out fason kozé ?
Kosa i pe influans nout fason kozé ?
Lir Éklézias 3:1, 7 é koz su késtion la :
-
Dan kèl situasion lé mieu arèt kozé, oubien atann le bon moman pou kozé ?
5. Koz an bien su lé zot
Koman évit koz an mal su lé zot oubien koz in fason ki blès ? Gard le VIDÉO é koz su bann késtion ki vien apré.
-
Kosa le frèr la rann ali kont ?
-
Kosa li la fé pou chanjé ?
Lir Éklézias 7:16 é koz su késtion la :
-
Kan nou sar koz an mal su in moun, kosa i fo nou rapèl anou ?
Lir Éklézias 7:21, 22 é koz su késtion la :
-
Si in moun i koz an mal su nou, koman bann vèrsé la va èd anou pa pran la kolèr vitman ?
6. Koz èk jantiyès èk out fami
Jéova i ve ke dan la fami, nou koz èk amour é èk jantiyès. Gard le VIDÉO é koz su le késtion ki vien apré.
-
Kosa va èd aou koz èk jantiyès avèk out fami ?
Lir Éfézien 4:31, 32 é koz su késtion la :
-
Kèl fason kozé i pe fé du bien out fami ?
Jéova la pa retien ali, pou di son bann santiman pou son Garson. Lir Matieu 17:5 é koz su késtion la :
-
Kan ou koz èk out fami, koman ou pe imit Jéova ?
Gèt bann zokazion pou félisité.
NADFOI DOMOUN I DI : « Moin mi di sak mi pans. Si lé zot i pran mal, sé zot problèm. »
-
Èske ou pans komsa ? Poukosa ?
SAK NOU LA APRANN
Bann mo néna in léfé su lé zot. Donk i fo nou réfléchi sak nou sar di, mé osi choizi kansa é koman nou sar di sa.
Alon révizé
-
Sit detroi fason bien ansèrv nout lang.
-
Kèl kalité parol ou lé bien désidé rejeté ?
-
Kosa va èd aou toultan avoir bann parol ke lé bon é ki ankouraj ?
GARD SA OSI
3 konsèy pou èt pozitif.
Koman arèt di bann gro mo ?
Bann konsèy pou arèt fé la di la fé.
Koman Jéova la èd in mesieu métriz ali kan li koz ?
« J’ai sérieusement réfléchi à ce que je faisais de ma vie » (La Tour de Garde, 1er août 2013)
