« Ke out roiyom i vien ! » : in priyèr ke domoun par milion i résit par keur
Èske ou la finn priyé pou ke le roiyom Bondieu i vien ? Depui dann tan lontan, domoun par milion i répèt bann parol la : « Ke out roiyom i vien ! » Akoz domoun i pronons se priyèr la ? Parske Jézu la demann son bann disip pou priyé pou ke le gouvèrnman Bondieu, ousoi le « roiyom » Bondieu i vien.
O komansman, bann disip té konpran pa tout sak Jézu lavé di azot konsèrnan le Roiyom. Lavé in jour, banna la demann ali : « Sénieur, èske sé koméla mèm ke ou sar remèt an plas le roiyom pou Israèl ? » Jézu la pa di azot kansa le roiyom Bondieu té sar arivé é riskab son répons la étonn azot (Akt 1:6, 7). Èski fo konprann par la, ke nou pe pa konèt kosa i lé le roiyom Bondieu é kansa li va vnir ? Non pa dutou !
Se numéro La Tour de Gard la, va èd azot dékouv bann répons pou bann késtion la :
Kosa i lé le roiyom Bondieu ?
Poukosa nou la bezoin le roiyom Bondieu ?
Kisa i lé le Roi dann roiyom la ?
Kansa se roiyom la va komans dirij la tèr ?
Kosa le roiyom Bondieu va fé ?
Poukosa nou doi choizi soutien le roiyom Bondieu depui koméla mèm ?
Agard sa osi…
ESSENTIAL BIBLE TEACHINGS
Kosa i lé le Roiyom Bondieu ?
Kan li lété su la tèr, Jézu té i koz surtou su le Roiyom Bondieu. Depui tré lontan, son bann disip i pri pou ke se Roiyom i ariv.
