O Jehovas ľidžalas le Izraelčanen, a the adaďives amen o Jehovas ľidžal, kaj te keras oda, so ov kamel. Pal calo svetos hin amen beteli, kraji, zbori, skupinki, kaj jekhetane te zvestinas lačhi sprava. Zvestinas sakoneske, the kolenge, so vakeren avra čhibaha. (Zj 14:6, 7)

Duminehas imar, hoj tut sikaveha nevi čhib, kaj varekaske te pomožines te sprindžarel o čačipen? Te tut pre kada nane kajci but časos, pomožinela tuke e aplikacija JW Language, a kode sikhľoha loke lava. Sar oda paľis viskušineha andre služba, šaj zadžives baro radišagos sar o phrala andro peršo storočje. Bo on dikhle, save sas o manuša hotova, sar šunde e lačhi sprava andre peskeri čhib. (Sk 2:7–11)

DIKH O VIDEJO AV LE JEHOVASKERO PRJAŤEĽIS – ZVESTIN ANDRE AVER ČHIB, A VAKEREN PAL ALA OTAZKI:

• Kana tuke šaj kampela e aplikacija JW Language?

• So savoro džanel aja aplikacija?

• Save čhibenca vakeren o manuša khatar tute?

• So majines te kerel, sar vareko kamel te šunel pal o Del, aľe vakerel avra čhibaha? (od 100–101 ods. 39–41)