O Káleb tradňa avri nalačhe zorale manušen, bo kamľa te chraňinel peskero ďeďičstvo (Joz 15:14; it-1 594 ods. 6)

Na savore Židi tradne avri olen, so na služinenas le Jehovaske, kaj te chraňinen peskero ďeďičstvo (Joz 16:10; it-2 99)

O Jehovas pomožinelas olenge, so na lenas ča avka a chraňinenas peskero ďeďičstvo (5Mo 20:1–4; Joz 17:17, 18; it-1 966 ods. 1)

O Jehovas the amenge kamel te del ajso baro ďeďičstvo – o dživipen pro furt. Te amen študinaha e Biblija, phiraha pro zhromažďeňa, andre služba u vakeraha le Jehovaha andre modľitba, chudaha zor, kaj amen te na scirdel vareso, vaš soske bi našaďamas ada baro ďeďičstvo.

PHUČ TUTAR: Kerav sa, kaj te na našavav o ďeďičstvo?