О мануша мангена политичарија ки касте шај те овел лен доверба; џи ко накх ленге таро политичарија со нане чесна. Ки јекх анкета со сине керди ко различна тхана ки пхув хем која сине објавими ко 2023 берш, бут џене вакерѓе кај најхари иси лен доверба ко политичка водачија. a

 И Библија керела лафи баши јекх влада која со иси ла Водачи сој тано чесно хем касте со шај те овел амен целосно доверба. Ки лесте ни хари нане корупција хем нане ни те овел да. Адаја влада тани е Девлескоро Царство, а о Водачи тано о Исус Христос (Исаија 9:7).

 О Исус пле постапкенцар чаче сикавѓа кај грижинела пе е манушенге (Матеј 9:35, 36). Сар Цари ко е Девлескоро Царство, ов ка анел правда хем мир сариненге со прифатинена лескоро водство (Псалм 72:12-14).