Иако о светска водачија мангле те на овел војна, рано сабајле ко 24 февруари 2022, и Русија почминѓа јекх воено инвазија ки Украина. Сар би шај акава те влијајнел ко свето? Англедер некобор диве, о Генерално секретари таро Обединета нацие, о Антонио Гутереш, вакерѓа: „Нашти ни те замислина аменге кобор муке хем уништување ка анел акава конфликт, хем сар ов ка влијајнел упри безбедност ки Европа хем ко цело свето“.

•   О Исус вакерѓа кај ка авел време кеда „ка уштел народо против народо, хем царство против царство“ (Матеј 24:7). Читин и статија „Од каде знаеме дека живееме во ’последните денови‘?“ те шај те дикхе сар и Библија сикавела кај о војне авдиве исполнинена о пророштво со вакерѓа ле о Исус.

•   Ко библиско лил Откровение, о војне тане претставиме јавачеа со бешела ко „грас пламено бојаја“, хем адале јаваческе тано дендо „те лел о мир тари пхув“ (Откровение 6:4). Те шај те џане сар акава пророштво однесинела пе башо војне авдиве, читин и статија „Што претставуваат четирите јавачи?“.

•   Ко библиско лил Даниел тано вакердо јекх пророштво башо јекх непријателство машкар „о северно цари“ хем „о јужно цари“ (Даниел 11:25-45). Дикх о клипи Исполниме пророштвија — Даниел 11 поглавје те шај те џане соске шај те вакерел пе кај о северно цари тани и Русија хем лакере сојузникија. a

•   Ко библиско лил Откровение исто аѓаар пишинела баши „војна со ка овел ко баро диве е Семоќно Девлескоро“ (Откровение 16:14, 16). Ама, акаја војна нане те овел машкар дуј народија, сар сој и војна ки Украина. Ако мангеа те џане повише информацие баши акаја војна колаке со пишинела ки Библија, читин и статија „Што е Армагедон?“.

•   И Библија вакерела кај о Девел ка чхинавел „о војне ки цели пхув“ (Псалм 46:9). Ки статија „Што навистина ни носи иднината?“ шај те читине повише башо адава сави иднина ветинела аменге о Девел.

•   О Исус сикавѓа пле следбеникон те молинен пе те авел е Девлескоро Царство (Матеј 6:9, 10). Е Девлескоро Царство тани влада ко небо која со ка исполнинел е Девлескири намера баши пхув, а јекх таро буќа со мангела о Девел тано те овел мир ко цело свето. Дикх о видеоклипи Сој е Девлескоро Царство? те шај те дознајне со ка керел е Девлескоро Царство хем сар адава шај те влијајнел упри туте.

 Ки Украина живинена повише таро 129.000 Јеховаскере сведокија. Исто сар ки секоја јавер пхув, о Сведокија адари џана пало пример е Исусескоро адалеа со ачховена неутрална хем на учествујнена ки војна (Јован 18:36). Ко цело свето, е Јеховаскере сведокија вакерена кај е Девлескоро Царство ка решинел са о проблемија, машкар кола сој хем о војне. Поттикнинаја тут те контактирине амен те шај те дознајне повише башо акава „шукар хабери башо царство“ хем баши надеж со дела амен и Библија (Матеј 24:14).