Читин Еремија 38:1-13 те шај те дознајне повише баши храброст со сикавѓе о пророко о Еремија хем о службенико о Авде-Мелех.

Дознајн повише таро контекст. Сар о Еремија сикавѓа храброст џикоте вакерѓа и порака таро Јехова? (Ерем. 27:12-14; 28:15-17; 37:6-10). Сар реагиринѓе о мануша кеда шунѓе адава? (Ерем. 37:15, 16).

Истражин о деталија. Саво притисок сине е Еремија? (jr-MC 26-27, пас. 20-22). Дознајн саве сине о дупке ко пурано време хем соске користинена лен сине (w08-MC 1/6 15, рамка; it-1-E 471). Сар шај осетинела пе сине о Еремија џикоте сине ки хор дупка пхерди чикаја? Таро со шај дарала сине о Авде-Мелех? (w12-MC 1/5 31, пас. 2-3).

Размислин со шај те сикљове. Пуч тут:

• „Со сикљовава таро акава извештај башо адава сар о Јехова заштитинела пле верна слуген?“ (Пс. 97:10; Ерем. 39:15-18).

• „Ко кола ситуацие ме ка ваљани те сикавав храброст?“

• „Сар шај те овел ман побари храброст те шај те керав адава сој исправно кеда иси ман притисок?“ (w11-MC 1/3 30). a