Оја, ако ола заедно ачхиле и рат коркори бизи оправдано причина, адава тано силно доказ кај керѓе сексуално неморал хем кај ваљани те керел пе правно одбор (1. Кор. 6:18).

О старешинство шукар ка испитинел секова случај те шај те одлучинел дали ваљани те керел пе правно одбор. На пример: Дали адала дуј џене тане ки врска? Дали о старешине англедер денѓе лен совет башо ленгоро начин сар понашинена пе јекх јекхеа? Соске ачхиле адаја рат заедно? Дали англедер планиринѓе адава? Дали сине лен јавер избор, или случинѓа пе нешто упро кова со на сине лен контрола, на пример, уло нешто со на очекујнѓе или несави итно ситуација баши која со на сине лен јавер избор освен те ачховен коркори и рат заедно? (Проп. 9:11). Коте суќе? Секова случај тано различно, адалеске шај те овен јавера да информацие кола со ка влијајнен ки одлука е старешиненгири.

Откеда о старешинство ка испитинел са о информацие, тегани ка одлучинел пе дали ваљани те керел пе правно одбор.