Дали внимателно читинѓан о броја тари Стражарско кула акале бершеске? Дикх дали шај те одговорине ко акала пучиба:

Сар ваљани те понашина амен е помазаниконцар?

Амен ценинаја ленгири вера, ама на даја лен претерано чест или внимание (Јуда 16). На пучаја лен лична пучиба баши ленгири надеж (w20.01, стр. 29).

Со уверинела тут кај о Јехова дикхела лично туте?

И Библија вакерела кај ов дикхља тут панда англедер те бијанѓове хем ов шунела тле молитве. Исто аѓаар, ов џанела са со иси тут ко вило хем џанела сар размислинеа, леске тано важно сар понашинеа тут (1. Лет. 28:9; Изр. 27:11). О Јехова лично привлечинѓа тут ки песте (w20.02, стр. 12).

Кеда ваљани те кера лафи а кеда на ваљани?

Амен мангаја те кера лафи башо Јехова. Ваљани те кера лафи кеда дикхаја кај некој почминѓа те џал ко лошно друмо. О старешине керена лафи кеда ваљани те ден совет. На вакераја или на мангаја те дознајна деталија башо адава сар керела пе амари активност ко пхувја коте со иси забрана. На откринаја доверлива буќа (w20.03, стр. 20-21).

Која тани и разлика машкар о скакулција сој тане опишиме ко Јоил поглавје 2 хем о скакулција сој опишиме ко Откровение поглавје 9?

Ко Јоил 2:20-29 пишинела кај о Девел ка палдел е скакулцен хем ка поправинел и штета со керѓе ла ола. Пало адава о Девел ка дел таро пло свети дух. Акала буќа исполнинѓе пе кеда о Вавилонција нападинѓе е Израеле. Ко Откровение 9:1-11 о скакулција тане е Јеховаскере помазиме слуге авдиве. Ола храбро објавинена е Девлескере осуде против акава лошно свето, а адава керела те на осетинен пе шукар адала со поддржинена ле (w20.04, стр. 3-6).

Кој тано о северно цари авдиве?

И Русија хем лакере сојузникија. Ола директно влијајнѓе упро е Девлескоро народо аѓаар со забранинѓе и проповедничко активност хем адале постапкенцар сикавена кај мрзинена е Сведокон. О северно цари пробинела те овел бут посилно таро јужно цари (w20.05, стр. 13).

Дали ко Галатите 5:22, 23 тане спомниме са о особине со авена таро духо?

На. О свети дух поможинела аменге те развина јавера да шукар особине, сар сој и праведност (Еф. 5:8, 9; w20.06, стр. 17).

Која тани јекх опасност ако чхиваја амендар несаве буќа ко интернет?

Ако чхивеа нешто ко интернет, о јавера шај те мислинен кај фалинеа тут, а на кај сиан понизно (w20.07, стр. 6-7).

Со шај о христијања те сикљон таро шукар рибарија?

Ола џанена кеда хем коте шај те астарен највише мачхе. Џанена сар те користинен и исправно опрема со иси лен. Хем храбро астарена мачхе чак кеда о околностија менинена пе. Амен да шај те кера адава ки амари служба (w20.09, стр. 5).

Сар шај те поможина е интересентенге те манген е Јехова?

Шај те охрабрина лен те читинен и Библија секова диве хем те размислинен башо адава со читинѓе. Исто аѓаар, шај те сикава лен те молинен пе (w20.11, стр. 4).

Кој тане вклучиме ки изјава: „Преку о Исус сарине ка овен џивде“? (1. Кор. 15:22)

О апостол Павле на вакерѓа кај са о мануша ка овен воскресниме. Акале лафенцар ов мислинѓа ко помазаникија кола „сој бириме таро Девел те овен ко јекхипе е Христос Исусеа, викиме те овен света“ (1. Кор. 1:2; 15:18; w20.12, стр. 5-6).

Со ка керен о помазаникија откеда ка менинен пе „ко моменти, џикоте шунела пе и последно труба“? (1. Кор. 15:51-53)

Ола заедно е Исусеа ка владинен упро народо железно палкаја (Отк. 2:26, 27; w20.12, стр. 12-13).