Ко духовна целија тано вклучимо са адава со трудинаја амен те кера те шај те служина е Јеховаске ки побари мера хем те радујна ле. Ола поможинена амен те напредујна ко духовно поглед, хем врединела те жртвујна амаро време хем амари сила те шај те исполнина лен (1Ти 4:15). Соске ваљани редовно те испитина амаре целија? Адалеске со амаре околностија менинена пе. Шај несави цел која со сине амен поангле акана нашти те исполнина ла, или шај исполнинѓем несави цел хем акана шај те чхива аменге јавер цел.

Шукар тано те испитина амаре целија англедер те почминел о нево службено берш. Ки Фамилијарно рат шај те керен лафи баши акаја тема хем те чхивен туменге несаве лична целија или целија коленде со шај те керен бути сар фамилија.

Кола тане тле конкретна целија ко акала подрачја, хем сар мангеа те исполнине лен?