И брошура Шун е Девле тани керди те сикавел сликенцар о основна библиска чачипа околенге со на џанена те читинен. О лекцие тане ко дуј странице хем секоја слика иси ла стрелка со сикавела ки јавер слика те шај те водинел пе и дискусија.

И брошура Шун е Девле хем џивдин вечно иси ла иста слике сар и брошура Шун е Девле, ама ки лате иси повише тексти хем шај те користина ла е интересентенцар со пхаре читинена. О објавителија користинена ла сар лично примерок кеда проучинена е манушенцар и брошура Шун е Девле. Ки лате иси рамке коте со иси повише информацие коленге со шај те керел пе лафи, а адава зависинела таро интересенти.

Шај те нудина акала брошуре чак ко масек кеда на нудинена пе. Џикоте водинеа библиско курси, користин о слике те објаснине о библиско извештај. Пуч пучиба те шај те вклучине е интересенте ки дискусија хем те ове сигурно кај халило о материјали. Читин хем дискутирин башо библиска стихија сој ко крајо ки секоја страна. Кеда ка завршинен акаја брошура, почминен те проучинен о лил Со сикавела амен и Библија? те шај те поможине е интересенте те ресел џи ко крстибе.