Секова јекх амендар понекогаш осетинела пе тажно. Адава со осетинаја амен аѓаар на значинела кај нане амен вера ко Јехова. Чак о Јехова понекогаш осетинела пе тажно (1Мо 6:5, 6). Ама, со ако често или чак нонстоп оптоваринена амен асавке чувствија?

Молин е Јехова баши помош. Е Јеховаске тано бут важно амаро емоционално састипе. Ов џанела кеда сием среќна хем кеда сием тажна. О Јехова хаљовела соске размислинаја хем осетинаја амен ко несаво одредено начин (Пс 7:9б). Ама сој најважно, о Јехова грижинела пе аменге хем шај те поможинел амен ако сием тажна, па чак ако иси амен депресија (Пс 34:18).

Грижин тут башо тло емоционално састипе. О негативна чувствија шај те влијајнен ки амари среќа, ама хем ко амаро амалипе е Јеховаја. Адалеске, шукар тано те заштитина амаро вило, јавере лафенцар амари андруни личност (Из 4:23).

ДИКХ О КЛИПИ АМАРЕ ПХРАЉА ИСИ ЛЕН МИР ИАКО ИСИ ЛЕН ДЕПРЕСИЈА, А ПАЛО АДАВА ОДГОВОРИН КО АКАЛА ПУЧИБА:

• Кола практична буќа керѓа и Ники те шај те икљовел ко крајо е депресијаја?

  Тло одговор

• Соске и Ники мислинѓа кај ваљанела лаке медицинско помош? (Мт 9:12).

  Тло одговор

• Сар сикавѓа и Ники кај иси ла доверба ки е Јеховаскири помош?

  Тло одговор