Taro akava delo počminena o Hristijanska grčka spisija. O Isus sine bijamo ki jekh čoroli familija so živinela sine ki jekh tikni diz. Ov kerela sine buti pe dadea sar stolari. O Isus dobingja zadača te spasinel sa e manušen. O Jehova biringja le te ovel cari ko e Devleskoro Carstvo. Ako sian roditeli, pomožin te čhaveske te haljol kaj o Jehova šukar biringja ki koja familija ka bijangjovel o Isus hem ko save okolnostija ka bajrol. Istaknin sar o Jehova zaštitingja e Isuse te na mudarel le o Irod, hem sar našti ništo te čhinavel e Jehovaskiri namera. Dikh sar o Jehova dengja zadača  e Jovaneske te objavinel kaj ka avel o Isus. Istaknin kaj o Isus taro tiknipe ceninela sine e Jehovaskiri mudrost.