Porano ili pokasno, sekova jekh amendar ka doživinel protivibe, pa čak ka ovel progonimo. Dali valjani te dara taro akava?

1. Soske na čudinela amen adava so ka ova progonime?

I Biblija jasno vakerela: „Sarine so mangena te živinen ko jekhipe e Hristos Isusea hem te obožavinen e Devle, ka oven progonime“ (2. Timotej 3:12). O Isus sine progonimo adaleske so na sine delo taro e Satanaskoro sveto. Amen da na siem delo taro akava sveto, adaleske na čudinela amen keda o vlade hem o religiozna organizacie progoninena amen (Jovan 15:18, 19).

2. Sar šaj te spremina amen bašo progonstvo?

Važno tano panda akana te kera pozorali amari doverba ko Jehova. Adaleske, odvojn tuke vreme sekova dive te moline tut leske, te čitine nešto tari Biblija hem te dža redovno ko sostanokija. Sa akala bukja ka den tut i sila so valjani tuke te šaj hrabro te izdržine o progonstvo, čak keda adava progonstvo avela tari tli familija. O apostol Pavle kova so sine but puti progonimo pišingja: „O Jehova tano adava so pomožinela man, nane te darav“ (Evreite 13:6).

Isto agjaar, adava so redovno ka propovedina ka bajrarel amari hrabrost. Keda propovedinaja amen sikljovaja te ovel amen doverba ko Jehova hem te pobedina i dar taro manuša (Izreki 29:25). Ako panda akana sikljovea hrabro te propovedine, adava ka pomožinel tuke te na čhinave te propovedine, čak ako o vlade zabraninena adava (1. Solunjanite 2:2).

3. Dali o progonstvo šaj te pomožinel amenge ko nesavo način?

Džangjola pe, amen na uživinaja te ova progonime, ama ako istrajnaja ko progonstvo amari vera ka ovel pozorali. Isto agjaar, ka ova popaše e Jehovaja soske ka osetina sar ov ka del amen sila keda amen nane te ovel amen više sila te prodolžina. (Čitin Jakov 1:2-4.) E Jehova but dukhala le keda dikhela sar amen cidaja muke, ama but ceninela keda istrajnaja hem ačhovaja leske verna. I Biblija vakerela: „Ako istrajno trpinena muke adaleske so kerena nešto šukar, tegani o Devel tano bahtalo“ (1. Petrovo 2:20). Ako ačhovaja verna, o Jehova ka nagradinel amen hem ka del amen večno životo ko nevo sveto. Tegani, sarine so ka živinen adathe ka služinen e Jehovaske hem nikoj nane te protivinel pe lenge (Matej 24:13).

 DOZNAJN POVIŠE

4. Ačhov verno keda tli familija ka protivinel pe tuke

O Isus šukar džanlja kaj nesave tari amari familija nane te mangen te služina e Jehovaske. Čitin Matej 10:34-36, a palo adava keren lafi bašo akava pučibe:

• Sar šaj te reagirinel i familija ako nekoj odlučinela te služinel e Jehovaske?

5. Ma čhinav te služine e Jehovaske ko progonstvo

 6. O Jehova ka pomožinel tuke te ačhove verno

 SO SIKLILEM

O Jehova but ceninela so na čhinavaja te služina leske keda siem progonime. Ov ka pomožinel amenge te ačhova verna!

Sar ka odgovorine?

• Soske na čudinela amen adava so ka ova progonime?

• Sar šaj panda akana te spremina amen bašo progonstvo?

• So uverinela tut kaj šaj te ačhove verno e Jehovaske ko sekova pharipa?