AČHOVEN DŽANGAVDE!
2023: Berš kova so kergja but manuša te sekirinen pe — So vakerela i Biblija?
Ko 2023 berš, slučingje pe but bukja kola so jasno sikavena kaj živinaja ko periodi kova so i Biblija vakerela baši leste kaj tano „posledna dive“ (2. Timotej 3:1). Te dikha sar o bukja so slučinena pe okolu amende tane o ista adala bukja soj tane prorokujme ki Biblija bašo amaro vreme.
I Biblija hem adava so slučinela pe ko sveto
„Ka šunen bašo vojne ko razna thana“ (Matej 24:6).
„Ko poviše delija ko sveto isi sa poviše vojne.“ a
Dikh o statie „Koj ka zaštitinel e obična manušen?“ hem „O vlade ko sveto trošingje poviše taro duj bilionija dolarija bašo ple vojske”.
„Ka oven zemjotresija ko razna thana“ (Marko 13:8).
„Taro početok taro 2023 berš, ko sveto sine 13 zemjotresija kola so sine posilna taro efta stepenija, adava tano o najbaro broj sar počmingja te vodinel pe evidencija.“ b
Dikh i statija „Ko Khoranipe hem ki Sirija sine bare zemjotresija“.
„Adava so ka dikhen o manuša ka daravel len“ (Luka 21:11).
„Završingja o vreme keda o temperature sine but bare, akana i situacija tani pološno soske o temperature tane panda pobare“ (Antonio Gutereš, generalno sekretari taro ON). c
Dikh i statija „Previše tato vreme ko celo sveto ko nilaj ko 2023 berš“.
„Ka ovel bokhalipe“ (Matej 24:7).
„2023: Panda jekh berš kote so na džangjola pe sar o familie ka borinen pe e bokhalipaja.“ d
Dikh i statija „I vojna hem o klimatska promene kergje te ovel bokhalipe ko celo sveto“.
„Ka ovel but pharo vreme“ (2. Timotej 3:1).
„Sekova oftoto manuš ko sveto isi le problemi e emocionalno sastipaja.“ e
Dikh i statija „E ternen isi len sa poviše psihička problemija“.
So šaj te očekujna ko 2024 berš?
Nikoj na džanela so točno ka ovel ko 2024 berš. Ama, adava so ovela ko sveto sikavela kaj panda hari ka avel e Devleskoro Carstvo, jekh vlada ko nebo, hem ka cidel sa o manušikane vlade hem ka anel krajo bašo muke hem sekiracie (Daniel 2:44; Otkrovenie 21:4).
A dži tegani, keda ka ova sekirime, šaj te roda pomoš taro Devel. Ki Biblija pišinela:
„Keda darava, ki tute isi man doverba!“ (Psalm 56:3).
Sar šaj te sikava kaj isi amen doverba ko Devel? Pottikninaja tut te doznajne poviše bašo adava kaj o Devel vetinela jekh pošukar idnina bizo sekiracie. Rode te ovel tut besplatno biblisko kursi te šaj te dikhe sar adava so vetinela i Biblija šaj te koristinel tuke hem tle familijake.
a Foreign Affairs: „O sveto ki vojna: So bešela palo adava so isi sa poviše vojne ko sveto?“ (Ema Bils hem Piter Selisburi, 30 oktomvri 2023).
b Earthquake News: „2023 berš: O broj taro bare zemjotresija šaj te nakhavel sa o rekordija“ (maj 2023).
c Obedineta nacie: „Uvodna lafija taro generalno sekretari ki pres-konferencija baši klimatsko kriza“ (27 juli 2023).
d Svetsko programa bašo hajbe: „Kriza bašo hajbe ko celo sveto“.
e Svetsko zdravstveno organizacija: „Svetsko dive bašo emocionalno sastipe“ (10 oktomvri 2023).
Šaj isto ka interesinel tut
OSNOVNA BIBLISKA SIKLJOJBA
Soj e Devleskoro Carstvo?
Džikote sine o Isus ki služba, ov kerela sine najviše lafi bašo e Devleskoro Carstvo. Vekoncar, leskere učenikija molinena pe sine te avel o Carstvo.
