„Te avel tlo carstvo“ — molitva vakerdi taro milionja manuša
Vekoncar milionja manuša molingje pe e lafencar „te avel tlo carstvo“. Soske molinena pe agjaar? Adaleske so o Isus vakergja ple sledbenikonge te molinen pe bašo e Devleskoro Carstvo.
Ko početok e Isuseskere sledbenikija na halile sa o bukja so vakergja len bašo Carstvo. Ki jekh prilika ola pučle le: „Gospodare, dali ko akava vreme ka obnovine o carstvo e Izraeleske?“ Verojatno, ola sine iznenadime so o Isus na dengja len direktno odgovor (Dela 1:6, 7). Dali adava značinela kaj našti te džana soj tano e Devleskoro Carstvo hem keda ka avel? Ni najhari!
Akava broj tari Stražarsko kula ka pomožinel tuke te dobine o odgovorija ko akala pučiba:
Soske valjani amenge e Devleskoro Carstvo?
Koj tano o Cari ko e Devleskoro Carstvo?
Keda e Devleskoro Carstvo ka počminel te vladinel upri Phuv?
So ka kerel e Devleskoro Carstvo?
Soske valjani te poddržina e Devleskoro Carstvo panda akana?
Soj tano e Devleskoro Carstvo?
Šaj isto ka interesinel tut
OSNOVNA BIBLISKA SIKLJOJBA
Soj e Devleskoro Carstvo?
Džikote sine o Isus ki služba, ov kerela sine najviše lafi bašo e Devleskoro Carstvo. Vekoncar, leskere učenikija molinena pe sine te avel o Carstvo.
