Soske valjani otvoreno te kere lafi tle roditelencar bašo adava so mislinea? (Iz 23:26). Adaleske so o Jehova dengja len odgovornost te grižinen pe tuke hem te vodinen tut (Ps 127:3, 4). Ka ovel lenge pharo te pomožinen tuke, ako sa adava so mučinela tut garavea le ki tute. Isto agjaar, ka propuštine te sikljove taro lengoro iskustvo so sine len ko životo. Dali tano pogrešno te na vakere nešto? Nane. Ama, pazin te na čhive len te mislinen peske kaj kergjan nešto pogrešno hem adaleske garavea (Iz 3:32).

Sar šaj te kere lafi tle roditelencar? Trudin tut te arakhe vreme kova so odgovorinela hem tuke hem lenge. Ako tuke pharo te kere lafi lencar, pišin lenge jekh lil kote so ka vakere sar osetinea tut. So ako ola mangena te keren tuja lafi baši tema koja so tu na mangea? Ma bistre kaj ola čače mangena te pomožinen tut. Dikh ko tle roditelija sar amala, a na sar dušmanja. Adava so ka trudine tut te kere lafi tle roditelencar ka ovel tuke korisno celo životo — čak ki celo večnost (Iz 4:10-12).

DIKH O KLIPI MLE TINEJDŽERSKA BERŠA — SAR TE KERAV LAFI MLE RODITELENCAR? HEM PALO ADAVA ODGOVORIN KO AKALA PUČIBA:

• So halile baši peste i Ester hem o Patrik?

• So šaj te sikljove taro e Isuseskoro primer?

• Sar tle roditelija sikavgje kaj grižinena pe tuke?

• Kola bibliska načelija šaj te pomožinen tuke te kere lafi tle roditelencar?