BIBLISKO KURSI E JEHOVASKERE SVEDOKONCAR
Ov bahtalo zasekogaš
Ko akava besplatno biblisko kursi ka doznajne o odgovorija bašo pučiba sar soj:
Sar šaj te ovav bahtalo ko životo?
Ka avel li krajo e lošnipaske hem e mukenge?
Dali ka dikhav nekogaš mle manglen so mule?
Dali o Devel grižinela pe mange?
Sar te molinav man e Devleske hem sar šaj te ovav sigurno kaj ov šunela mle molitve?
Besplatno
O biblisko kursi hem i publikacija Ov bahtalo zasekogaš tane besplatna, a isto agjaar šaj te dobine Biblija, ako nane tut.
Tu birinea o vreme hem o than
Šaj te arakha amen negde lično ili te kera lafi preku telefoni ili preku internet, ko vreme hem ko than kova so tuke odgovorinela.
Bizi obaveza
O biblisko kursi šaj te čhinave ko bilo kova vreme.
Sar izgledinela o biblisko kursi?
Adava so ka vodinel o kursi ka sikavel tut bašo so kerela pe lafi ki Biblija, tema po tema. E publikacijaja Ov bahtalo zasekogaš tu šaj hari po hari te haljove so sikavela i Biblija hem sar šaj oj te pomožinel tut ko tlo životo. Ako mangea poviše te džane bašo akava, dikh o videoklipi ili dikh o odgovorija ko najčesta pučiba.
Mangea li te dikhe o teme so ka proučinen pe?
Akate šaj te dikhe o uvodna lekcie bašo kursi.
