„О праведна ка наслединен и пхув тай ка живинен вечно лате.“ (Псалм 37:29)

Со мангел о Дел е манушенге?

• Битие 1:28

  О Дел мангелас о мануша те керен и пхув рай тай те грижинен пес е животноненге.

• Исаия 46:9–11; 55:11

  О Дел ка керел давкха со мангелас андо начало тай нищо нащи те пречинел леске.

„О цело светос си е Бенгеске андо васта.“ (1 Йоан 5:19)

Кой управлинел о светос?

• Йоан 12:31

  О Исусес пхенгяс, кай о Бенг си о владетели далкхе светоскоро.

• Яков 1:13–15

  О Бенг мангелас варесо, ковато на сине лескоро.

• Битие 2:17; 3:1–6

  О Бенг хохавгяс е Ева. О Адам тай и Ева на шунде е Девлес тай по–късно о дуй–да муле.

• Римляни 3:23; 5:12

  Аме мерас соскето наследингям и безех таро Адам.

• 2 Коринтяни 4:3, 4

  О Бенг хохавел е манушен.

„Те авел торо Тхагарипе. Те овел тери воля ... ки пхув.“ (Матей 6:10)

Со ка керел о Йехова?

• Даниил 2:44

  Е Девлескоро Тхагарипе ка заменинел саворе манушикане правителства.

• Откровение 16:14–16

  О Дел ка унищожинел давкха кханило светос ко Армагедон.

• Исаия 9:6, 7

  О Йехова избирингяс е Исусес Тхагареске, пере небесноне Тхагарипнасте. О Исусес ка управлинел упрал и пхув.

„Путерес то вас тай задоволинес саворенгоро желание.“ (Псалм 145:16)

Со ка керел е Девлескоро Тхагарипе аменге?

• Псалм 46:9

  Нанай те овел войни, престъпления тай насилие.

• Исаия 32:18; 65:21–24

  Андо нево светос ка овел мири тай саворен ка овен шукар кхера тай градинес.

• Псалм 72:16

  Ка овел бут хабе.

• Исаия 11:6–9

  Ка овел мири машкар о мануша тай о животна.

• Исаия 33:24; Деяния 24:15

  Никхой нанай те овел насвало тай о муле ка живинен пак.