РАЗПОРЕДИТЕЛЯ О разпоредителя си назначиме те помагинен туменге. Молинас тумен те шунен лен, кана паркиринен, кана ден анди зала или икльон латар, кана роден туменге тхана или авере букиенге.

ПОКРЪСТВАНЕ Далкхенге, колато ка покръстинен пес, ка овен запазиме тхана ко първо редос, освен ако иси авер напътствия. Он требе те бешен отхе англал те започнинел и проповед е покръстимнаске, която ка овел събота анди явин. Секо йекх лендар требе те лел песке хавлия тай о шехя, коленца ка покръстинел пес.

ДАРЕНИЯ Давкха конгреси помагинел те барьол амаро амалипе е Йеховаса. За те лошанас е конгресиеске, требен аменге тхана те бешас, озвучително тай видео система тай бут авер букя, коленге требелас те платинас. Тумаре доброволна дарения помагинен те овен платиме о разхогя тай подкрепинен е Йеховаскери дейност ки цело пхув. За те овел туменге удобно, иси кутиес за дарения буте тханенде анди зала. Ащи те керен пес дарения ко интернети–да, ко уебсайти donate.dan124.com. Саворе дарения си бут ценна. О Ръководно тяло благодаринел туменге, кай щедро подкрепинен и бути е Тхагарипнаске.

ПЪРВА ПОМОЩ Молинас тумен те на бистерен, кай ащи те роден медицинско помощ, само кана ачшол варесо спешно.

НАШАЛДЕ БУКЯ Саворе нашалде букя требе те овен ингалде ко отдели „Нашалде букя“. Ако нашалгян варесо, жа ко отдели те родес лес. Ако декх чшаво нашалгьол, също требе те овел ингалдо отхе. Ама за те на ачшон салка ситуациес, молинас тумен те дикхен тумаре чшавен тай он винаги те овен туменца.

КАНА ЗАПАЗИНАС ТХАНА Молинас тумен те мислинен околенге. Ма бистерен, кай ащи те запазинен тхана само тумаре семействоске, далкхенге, коленца пътувинен анди лека кола, коленца живинен заедно или коленца изучинен и Библия. Молинас тумен те на мукен букя ко тхана, коленде нанай те бешен.

ДОБРОВОЛНО СЛУЖБА Ако мангес те участвинес ки бути е конгресиеске, ащи те иринес тут кариг о отдели „Информация тай доброволно служба“.

Училища е Тхагарипнаскере проповедникиенге О пионеря, колато си 23 жи 65 брешенгере тай манген те керен по–бут анди служба, ащи те авен ки среща, далкхенге, колато манген те жан ки Училища е Тхагарипнаскере проповедникиенге, която ка овел неделя следобед. Ка овел съобщение далкхеске точно кана тай кате ка овел и среща.