Харешинел ли туке те мукес о клиповя таро лил „Шукар животос завинаги!“ тай те задес о въпрося таро лил, колато траден е манушен те пхенен со мислинен? Харешинен ли туке о букя, колато си андо „Со пхенен десаве мануша“, „Со те керес“ тай „Ахальов по-бут“? Саве авер букя таро лил ащи помагинен туке, кана изучинес и Библия десаве манушеса? (Мт 28:19, 20)

Клиповя тай статиес: Ако мангес те използвинес отпечатиме лил, кана изучинес десаве манушеса, сар ащи лесно те аракхес саворе клиповя тай статиес йекхе тханесте? Избирине йекх таро щар часкя таро електронно лил тай дикх най-теле, кате свършинен о урокя. Отхе си кидиме саворе клиповя тай статиес тари част, която избирингян. (Дикх и 1 картинка.)

И настройка „Печатно издание“: Ако използвинес телефони, таблети или авер устройство, за те изучинес декхаса, ащи те овел туке полезно, бискай изучинен, те избиринес и настройка „Печатно издание“. Кана путерес о уроки, дикх упре, кате си о трин точкес, тай избирине „Печатно издание“. Като дикхес о уроки сарто си ко отпечатиме лил, ка овел туке по-лесно те дикхес, кай саворе букя, коленге хоратинен, си свържиме е темаса таро уроки. За те дикхес пак о електронно лил, дикх ко трин точкес тай избирине „Електронно издание“.

„Готово ли синьом?“: Калка блокчета, колато си почти ко крайос ко лил, сикавен о основна букя, колато мануш требе те керел, за те овел готово те проповединел е пхраленца тай е пхениенца тари кхангери тай те покръстинел пес. (Дикх и 2 картинка.)

Бележкес: Андо бележкес иси букя, колато помагинен аменге те ахальовас по-лачшес десаве важна темес. Андо електронно лил ко крайос секоне бележкате иси линки, ковато ка иринел тут точно отхе, кате спирингян андо уроки. (Дикх и 2 картинка.)