О Самуил ачшило верно е Йеховаске пе целоне животосте. Кана уло по-цикно, на домукляс те ачшол кханило сар о Офни тай о Финес, е Илийскере чшаве. (1Ца 2:22-26) Бискай барьовелас, о Йехова уло леса. (1Ца 3:19) Кана ачшило по-баро, ов продължинелас те керел со мангел о Йехова, въпреки кай лескере чшаве на мангенас те керен давкха. (1Ца 8:1-5)

Со сикльовас таре Самуилескоро примери? Ако синян терно, ов сигурно, кай о Йехова ахальовел саве трудноскя иси тут тай сар чувствинес тут. Ов ащи те керел тут бидаравно. (Иса 41:10, 13) Ако синян дад или дай тай то чшаво спирингяс те служинел е Йеховаске, ка овел утешително туке те жанес, кай о Самуил нащине те традел зорле пе чшавен, колато вече сине баре, те ачшовен верна е Йеховаске. Ов мукляс кавка проблеми е Йеховаске андо васта, ачшило верно тай лошанкяргяс пе небесноне Дадес, е Йеховас. Може би торо шукар примери, ка традел те чшавес те иринел пес ко Йехова.

ДИКХ О КЛИПИ „УЧИ СЕ ОТ ПРИМЕРА ИМ: САМУИЛ“ ТАЙ ОТГОВОРИНЕ КАЛКЕ ВЪПРОСИЕНГЕ:

• Сар о Самуил сикавгяс смелост, кана уло цикно?

• Сар о Данис сикавгяс смелост?

• Сар о Самуил диняс шукар примери, кана уло по-пхуро?

• Сар е Данискере родителя дине шукар примери?