За те ачшон амала е Йеховаса, о мануша, колато изучинен и Библия, требе те аракхен песке лачше амален. (Пс 15:1, 4) Он ка помагинен ленге те керен давкха со си правилно. (Пр 13:20; lff-BL ур. 48)

Кана помагинес е манушенге, коленца изучинес и Библия, те мукен е кханиле амален, тхов тут ленгере тханесте. Ащи те овел ленге пхаро те спиринен те общувинен пе амаленца таро светос. Аке соске си важно, презал о диеса-да, кана на изучинен, те сикавес, кай интересувинес тут лендар. Ащи те пишинес ленге, те шунес тут ленца или те жас паш ленде хариеске. Щом накхел хари време, ащи те канинес лен те овен заедно е пхраленца тай е пхениенца. Чука о мануша ка ахальовен, кай получинде по-бут далкхестар, ковато нашалде. (Мр 10:29, 30) Тай ту-да ка лошанес, кай е Йеховаскоро семейство ачшовел по-баро.

ДИКХ О КЛИПИ „ПОМАГАЙТЕ НА ИЗУЧАВАЩИТЕ СИ ДА НЕ ОБЩУВАТ С ЛОШИ ПРИЯТЕЛИ“ ТАЙ ОТГОВОРИНЕ КАЛКЕ ВЪПРОСИЕНГЕ:

• Кола мануша си кханиле амала? (1Ко 15:33)

• Со мислинелас и Джейд е събраниенге?

• Сар и Нита помагингяс е Джейдаке те мукел пе кханиле амален тай те аракхел песке лачшен?