О събрания си бут важна, за те служинас е Йеховаске, сарто ов мангел. (Пс 22:22) Саворе, колато киден пес, за те поклонинен пес е Йеховаске, лошанен тай иси лен благословиес. (Пс 65:4) О мануша, коленца изучинас и Библия, ащи по-сиго те ачшовен близка е Девлеса, ако авен ко събрания редовно.

Сар ащи те помагинес е манушенге, коленца изучинес и Библия те авен ко събрания? Продължине те канинес лен те авен. Сикав ленге о клипи „Со керел пес ко събрания анди Зала е Тхагарипнаскери?“ тай пхен ленге сави полза иси таро събрания. (lff-BL ур. 10) Ащи те пхенес варесо, ковато сиклилян ко събрание, или те сикавес ленге со ка овел ко следващо събрание. Де е манушен, коленца изучинес, о лила, колато използвинас ко събрания, или помагине ленге те ухлявен лен таро приложение JW Library. Също кер варесо, за те помагинес ленге. Например ащи те жан заедно ко събрание. Кана мануш, колеса изучинес, авел ко събрание за първи път, ка ахальовес, кай всичко со кергян леске на сине залудо. (1Ко 14:24, 25)

ДИКХ О КЛИПИ „ПОМАГАЙТЕ НА ИЗУЧАВАЩИТЕ СИ ДА ПОСЕЩАВАТ СЪБРАНИЯТА“ ТАЙ ОТГОВОРИНЕ КАЛКЕ ВЪПРОСИЕНГЕ:

• Сави възможност на измукляс и Нита, за те канинел е Джейда ко събрание?

• Соске лошанас, кана мануш, колеса изучинас и Библия, авел ко събрание?

• Со дикхляс и Джейд, кана гели ко събрание за първи път?