Соске требе те пхенес те дадеске тай те даяке со мислинес? (Пр 23:26) Соскето о Йехова диняс лен и отговорност те дикхен тут тай те сикавен тут. (Пс 127:3, 4) Ка овел ленге трудно те помагинен туке, ако гаравес лендар тай на пхенес ленге, саве проблемя тай холя иси тут. Чука ка измукес и възможност-да те сикльовес далкхестар со он сиклиле таро животос. Погрешно ли си те на пхенес ленге десаве букя? Нанай, стига само те на хохавес лен. (Пр 3:32)

Сар те хоратинес те дадеса тай те даяса? Хоратине ленца, кана ка овел удобно туке тай ленге-да. Ако давкха си трудно, ащи те пишинес ленге лил, за те пхенес ленге сар чувствинес тут. Со те керес, ако он манген те хоратинен туса варесоске, колеске ту на мангес те хоратинес? Ма бистер, кай он манген те помагинен туке. То дад тай ти дай си тере амала, а ма тере душманя. Ако постоянно керес усилия те пхенес ленге всичко со си те сърцесте, ка овел тут полза те целоне животосте тай даже вечно! (Пр 4:10-12)

ДИКХ О КЛИПИ „ЖИВОТЪТ МИ КАТО ТИЙНЕЙДЖЪР: КАК ДА РАЗГОВАРЯМ С РОДИТЕЛИТЕ СИ?“ ТАЙ ОТГОВОРИНЕ КАЛКЕ ВЪПРОСИЕНГЕ:

• Со ахалиле и Естър тай о Партик?

• Со сикльовес таро примери е Исусескоро?

• Сар то дад тай ти дай сикавде жи акана, кай интересувинен пес тутар?

• Кола съвекя тари Библия ащи те помагинен туке те хоратинес те дадеса тай те даяса?