Te šaj te oven e Jehovase amala, o manuša kola proučinena mora te ovel len šukar amala (Ps 15:1, 4). O šukar amala šaj te pomožinen len te ćeren odova soj tano ispravno (Psl 13:20; lff lekcija 48).

Ov saosećajno đi pomožineja e manušese kasa proučineja te cidel pe ando lošno društvo. Šaj te ovel lese pharo te ćhinavi te družini pe olencar. Odolese, družin tut oleja hem ked nane tumen kurs. Šaj te bićhale lese poruke, te vićine le ja te đa koro leste. Ako šukar napredujini, vićin le te družini pe hem averencar andi skupština. Tegani ka dikhel so pobuter dobinđa ando odova so našalđa (Mr 10:29, 30). Isto ađahar, hem tu ka ove bahtalo sebepi so i skupština barjola.

DIKH O VIDEO POMOŽIN E MANUŠENĐE KOLENCAR PROUČINEJA – TE NAŠEN ANDO LOŠNO DRUŠTVO HEM PALO ODOVA ODGOVORIN KO AKALA PUĆIBA:

• Soj tano o lošno društvo? (1Ko 15:33)

• So i Džejd mislinđa sar ka ovel laće ko amaro druženje?

• Sar i Nita pomožinđa e Džejdaće te arakhi pese šukar amalen?