Sose valjani te vaćere te roditeljenđe sar osetineja tut? (Psl 23:26). Odolese so o Jehova dinđa len odgovornost te brininen pe tutar hem te pomožinen tuće (Ps 127:3, 4). Ako ićereja sa ano tute hem na pheneja lenđe sar osetineja tut, olenđe ka ovel but pharo te pomožinen tut. Isto ađahar, na ka sikljove ando odova so on nakhlje ko po životi. Da li odova značini so mora sa te phene lenđe? Na. Ama, ma garav olendar odova so on sar roditeljija valjani te đanen (Psl 3:32).

Sar šaj te vaćere te roditeljencar? Vaćer olencar tegani ked hem tuće hem olenđe tano šukar. Ako tano tuće pharo te vaćere olencar, tegani ko jekh lil pisin lenđe sar osetineja tut. Ama, so ako on mangena te vaćeren disostar so tu na mangeja? Ma bistri so on ćaće mangena te pomožinen tuće. Te roditeljija nane te dušmanija, već neko ko mangela te pomožini tuće. Ako deja sa tutar te phrave to vilo te roditeljenđe, odova ka pomožini tuće ko toklo celo životi (Psl 4:10-12).

DIKH O VIDEO E TERNENGO ŽIVOTI – SAR ŠAJ TE VAĆERAV ME DADEJA HEM ME DAJAJA? HEM PALO ODOVA ODGOVORIN KO AKALA PUĆIBA:

• So i Ester hem o Partik phenđe kokri pestar?

• So šaj te sikljove ando Isuseso primer?

• Sar te roditelja mothovena so brininena pe tutar?

• Kola načelija andi Biblija šaj te pomožinen tuće te vaćere te roditeljencar?