O dad hem i daj kola tane e Jehovase svedokija, mangena te dikhen sar oljenge čhave verno služinena e Jehovase. On šaj kotar tiknipe te pomožinen pe čhavendže te khuvel o čačipe andi Biblija ko oljengo vilo (5Moj 6:7; Godž 22:6). Odova rodela oljendar te den sa pestar, ama o berečetija ka oven pobare kotar žrtve so čerena (3Jv 4).

O dad hem i daj šaj but te sikljon ando Josif hem andi Marija. On „svako berš dželje ko Jerusalim te slavinen i Pasha“ iako odova na hine lokho hem valjandže but te trošinenpe (Lu 2:41). Ama, e Josifese hem e Marijače hine ko jekhto than oljengi familjija te ovel popaše e Jehova. Isto hem avdije, o dad hem i daj šaj pe čhaven te ljegaren ko šukar drumo, adžahar so svako dive ka sikavenljen lafijenca hem odoljeja so čerena (Ps 127:3-5).

DIKH O FILM ISKORISTILI SU SVAKU PRILIKU HEM PALO ODOVA ODGOVORIN KO AKALA PUČIBA:

• So čerdže o Džon hem i Šeron Šiler te šaj te čhiven o Kraljevstvo ko jekhto than dži bajačerdže pe čhaven?

• Sose o dad hem i daj na valjani te sikaven svakone čhavore ko jekh isto način?

• Sar šaj o dad hem i daj te sikaven pe čhaven te ačhon verna ked ka oveljen iskušenja?

• Save alatija kola dela e Jehovasi organizacija koristijan te pomožine te čhavendže te oven e Jehovase amala?