4. DEO
So ulo e Adameja hem e Evaja sose šunđe e Satana?
O Adam hem i Eva na šunđe e Devle hem odolese mulje (Postanak 3:6, 23)
I Eva šunđa e sape hem halja o plod. Palo odova, oj dinđa e Adamese hem ov halja.
Odova so on ćerđe na hine šukar, odova hine greh. Odolese, o Devel uspudinđa len ando raj.
O životi hine pharo hem olenđe hem olenge ćhavenđe. On phurilje hem mulje. On na đelje ko nebo ja ko pakao, jednostavno, on više na postojinđe.
O mule irinena pe ko prah (Postanak 3:19)
Amen meraja sose hijam olenge potomkija. O mule našti te dikhen, te šunen ni te ćeren bilo so aver (Propovednik 9:5, 10).
O Jehova na manglja o manuša te meren. Pana hari, o Jehova ka irini e mulen ko životi. Ako ka šunen e Devle, on ka živinen večno.
Dikhen hem akava
OSNOVNA BIBLIJAKE SIKLJOVIBA
So ovela e mulencar ked merena?
I Biblija obećini so ka avel o vreme ked but manuša ka oven vazdime ando meribe, sar so o Lazar hine.
OSNOVNA BIBLIJAKE SIKLJOVIBA
Sose o Devel dozvolini te oven o lošnipe hem o muke?
But manuša ko sveto pućena pe sose isi odobor muke hem mržnja. O odgovor kova dela i Biblija tano but logično hem šaj te utešini amen.
