Ando akava deo počmini o grčko deo ando Sveto pismo. O Isus hine bijando ki jekh čorori porodica koja živindža ki jekh tikni diz. Ov čerdža buti pe dadeja sar stolar. O Isus hine okova kova ka spasini sa e manušen. O Jehova birindža lje te ovel kralj ko e Devljeso Kraljevstvo. Ako isi tut čhave, pomožin ljendže te haljon so o Jehova šukar birindža ki koja porodica ka bijandžol o Isus hem ko kola okolnostija ka barjol. Vačer sar o Jehova zaštitindža e Isuse te na mudari lje o Irod hem so ništa našti te čhinavi e Jehova te ispunini pi namera. Dikh sar o Jehova dindža zadatak e Jovanese te objavini so ka avel o Isus. Istaknin so o Isus ando tiknipe cenindža e Jehovasi mudrost.