Spremin tut šukar. Razmislin sose tano odova pisimo. Vežbin te čitine grupa ando lafija, a na lafi palo lafi. Pazin te na ćhive, te na ikale ja te na menine o lafija. Pazin ko sa o interpunkcijska znakija sar soj tane i tačka, o zarez, o upitnik ja o uzvičnik.

Vaćer svako lafi tačno. Ako na đaneja sar te vaćere disavo lafi, šun o audio-snimak andi publikacija koja čitineja ja puć nekas so šukar čitini te pomožini tuće.

Vaćer jasno. Vaćer o lafija sar so pisini, vazde to šero upre hem šukar phrav to muj. Trudin tut te vaćere svako lafi jasno.