Ki nedelja 20. novembar 2022. berš, završinđa pe 27. Konferencija ando Ujedinjena nacije kotar klimatska promene (COP27). O svetska vođe složinđe pe te den pare e ćorore phuvjenđe te šaj hari te ciden o posledice kola ulje sebepi o klimatska promene. Ama but đene složinđe pe so odova na ka rešini potpuno o problemi.

•   O Antonio Gutereš, o generalno sekretari ando Ujedinjena nacije, ko 19. novembar 2022. berš, phenđa: „Bahtalo hijum so odlučinđam te izdvojina pare aso phuvja kola doživinena bare posledice sebepi o klimatska promene. Ama odova nane dovoljno. . . O stanje ki amari phuv tano but ozbiljno.“

•   I Meri Robinson, i bivšo predsednica andi Irska hem bivšo poslanik aso manušikane pravija ko Ujedinjena nacije, ko 20. novembar 2022. berš, phenđa: „Sebepi o klimatska promene, sare šaj lošno te nakha.“

 Posebno o terne brininena pe so ka ovel amare phuvjaja. Ama, da li šaj o vlastija te rešinen o klimatska promene ki phuv? So i Biblija phenela odolestar?

 I Biblija phenela so iako o manuša trudinena pe, on našti potpuno te rešinen odova problemi. Te dikha duj razlogija sose odova našti te ćeren:

•   „Okova soj tano bango našti te ispravini pe“ (Propovednik 1:15).

   So značini odova: O manuša našti te ćeren sa so mangena, sose nane lenđe dindo te vladinen (Jeremija 10:23). Čak ked bi sa o narodija ovena sar jekh, on palem na bi šaj te rešinen o problemija ko sveto.

•   „Sose o manuša ka oven sebična, pohlepna aso pare. . . nespremna aso bilo savo dogovor“ (2. Timoteju 3:2, 3).

   So značini odova: I Biblija prorekninđa so ko amaro vreme but manuša ka oven sebična hem so na ka oven spremna te pomožinen averenđe.

 So ka ovel amare phuvjaja, na zavisini ando manušikane vlastija. O Devel ćhivđa jekhe sposobno vladare, e Isuse Hriste, kova pana hari ka vladini upri celo phuv. Olestar ki Biblija pisini:

•   „[Ov] ka ovel le vlast ano vasta. Oleso anav ka ovel Šukar Savetnik, Moćno Devel, Večno Dad, o Knez ando Mir“ (Isaija 9:6).

 O Isus tano kralj ando Devleso Kraljevstvo kova ka vladini ando nebo (Matej 6:10). Ov isi le moć, mudrost hem želja te rešini o problemija ki phuv hem te pomožini e manušenđe (Psalam 72:12, 16). Ov ka uništini okolen so uništinena i phuv hem ka cidel sa i šteta koja ulji ki phuv (Otkrivenje 11:18; Isaija 35:1, 7).

 Ako mangeja te đane pobuter soj tano o rešenje aso klimatska promene, čitin o članko „Da li će planeta preživeti klimatske promene – šta kaže Sveto pismo?