Ko 23. maj 2023. berš, o najbaro zdravstveno zvaničnik ki Amerika upozorinđa so o društvena mreže lošno utičinena upro terne.

•   „O društvena mreže tane korisna aso but buća. Ko isto vreme, o društvena mreže lošno utičinena ki ćhavengi godi“ (O društvena mreže hem e ternengo psihičko sastipe: The U.S. Surgeon General’s Advisory, 2023).

 O istraživanja mothovena sose valjani te brinina amen.

•   O terne ando 12 đi o 15 berš „kola bešena ko društvena mreže pobuter ando 3 satija ko dive isi len pobari šansa te ovel len psihička problemija hem te peren ki depresija.“

•   Ked o ćhave kola isi len 14 berš „but koristinena o društvena mreže često našti šukar te soven, doživinena maltretiranje prekalo internet, nane zadovoljna sar izgledinena, mislinena so na vredinena hem perena ki depresija. Ama, odova počesto desini pe e ćhajenđe nego e ćhavenđe.“

 Sar šaj o roditeljija te zaštitinen pe ćhaven ando akala opasnostija? I Biblija dela amen disave šukar savetija.

 Oven oprezna. Sar roditeljija, dikhen kola opasnostija isi ko društvena mreže hem odlučinen da li tumare ćhave valjani te koristinen len ja na.

•   Biblijako savet: „Sikav e ćhave premalo drumo ko kova valjani te đal“ (Poslovice 22:6).

•   Ako mangena te đanen pobuter, čitinen o članko „Da li moje dete treba da koristi društvene mreže?“

 Ako mukhena tumare ćhaven te koristinen o društvena mreže, ma bistren ko opasnostija hem redovno proverinen so ćerena tumare ćhave ko internet.

 Arakhen tumare ćhaven ando lošna buća. Sikaven tumare ćhaven te penđaren o opasnostija hem te ciden pe ando lošna buća.

•   Biblijako savet: „O blud hem svako melalipe ja i pohlepa te na pominen pe maškaro tumende, [. . .] a isto ađahar, ma ćeren o buća ando kola valjani te lađa, ma vaćeren hem ma šalinen tumen ko nepristojno način“ (Efešanima 5:3, 4).

•   Ako mangena te dikhen pana disave savetija, čitinen o članko „Pomozite tinejdžeru da pametno koristi društvene mreže.“

 Ćhiven granice. Na primer, odredinen ked hem kobor tumare ćhave šaj te koristinen o društvena mreže.

•   Biblijako savet: „Pazinen sar živinena, [. . .] živinen [. . .] sar okola soj tane mudra. Mudro koristinen o vreme“ (Efešanima 5:15, 16).

•   Dikhen i animacija Pazin sar koristineja o društvena mreže te šaj te pomožinen tumare ćhavenđe te haljon sose valjani te oven amen disave granice.