Pobedin i usamljenost ađahar so ka pomožine averenđe – so phenela i Biblija?
But manuša ko sveto tane usamljena hem cidena pe averendar. Disave stručnjakija phenena so i usamljenost šaj te pobedina ako pomožinaja averenđe.
„Ked pomožinaja averenđe ka ova pobahtale hem na ka osetina amen odobor usamljeno“ (Nacionalna institutija aso sastipe).
I Biblija dela amen šukar savetija sar šaj te pomožina averenđe. Ako ićeraja amen ko odola savetija ka pobedina i usamljenost.
So šaj te ćere?
Ov phravde vasteso. Trudin tut te ikljove hem te družine tut averencar. Ov spremno te deline averencar odova so isi tut. Ked ćereja ađahar, o manuša verovatno ka oven zahvalna hem ka mangen te oven te amala.
Biblijako savet: „Den, hem ka del pe tumenđe“ (Luka 6:38).
Spremno pomožin averenđe. Razmislin sar šaj te pomožine okolenđe kola tane ko pharipa. Nekase šaj ka značini samo pažljivo te šune le, a nekase te ćere disave praktična buća kola ka ćeren oleso životi te ovel polokho.
Biblijako savet: „O šukar amal uvek mothovi mangipe“ (Poslovice 17:17).
Ako mangeja te đane pobuter ando odova sar šaj te oven tut šukar amala, čitin o članko „Porodični život i prijateljstva.“
