O Vodeće telo tano jekh tikni grupa ando zrela hrišćanija kola dena smernice e Jehovase narodose ko celo sveto. Olengi uloga tani:

•   Sar prvo, te nadgledinen sa i pouka koja dobini e Jehovaso narodo prekalo amare publikacije, sastankija hem škole (Luka 12:42).

•   Sar dujto, te organizujinen o propovedibe ko celo sveto hem te nadgledinen sar koristinena pe o dobrovoljna prilogija.

 O Vodeće telo avdije ićeri pe ko primer kova aćhavđe o „apostolija hem o starešine“ ko prvo veko. On anđe važna odluke asi celo skupština (Dela apostolska 15:2). Sar odola verna manuša ko prvo veko, hem avdije okola soj tane ko Vodeće telo, nane vođe andi amari organizacija. On rodena vođstvo hem savet ko Devleso Lafi hem priznajinena so o Jehova ćhivđa e Isuse Hriste te ovel poglavari andi skupština (1. Korinćanima 11:3; Efešanima 5:23).

 Ko Vodeće telo služinena: o Kenet Kuk, o Gejdž Fligl, o Samjuel Herd, o Džefri Džekson, o Stiven Let, o Gerit Loš, o Mark Sanderson, o Dejvid Splejn hem o Džefri Vinder. On služinena ko amaro glavno sedište ko Vorvik, ki Amerika.

 O Vodeće telo osnujinđa šov odborija kola nadgledinena različita buća ki amari organizacija hem svako phral kova služini ko Vodeće telo služini hem ko jekh ando akala odborija ja ko pobuter.

•   O odbor ando koordinatorija: On nadgledinena o pravna buća hem organizujinena sa so valjani ked ovela dijekh prirodno katastrofa, ja ked e Jehovase svedokija tane progonime sebepi pi vera, ja brininena pe ando avera hitna buća.

•   O odbor aso manuša: On brininena pe ando sa soj tano povezimo e betelsko porodicaja.

•   O odbor aso izdavanje: Nadgledinena i proizvodnja hem bićhalena amari literatura. Isto ađahar, nadgledinena i gradnja ando amare dvorane, prevodilačka kancelarije hem o podružnice.

•   Službeno odbor: Nadgledini o propovedibe ko celo sveto (Matej 24:14).

•   O odbor aso sikavibe: Nadgledini o duhovna pouke kola dobinaja prekalo amare sastankija, škole, audio hem video-materijali.

•   O odbor aso pisibe: Nadgledini o duhovna pouke kola dobinaja ko štampime izdanja hem ko amaro sajt. Isto ađahar, on nadgledinena o prevodibe ando amare publikacije.

 Iako ćerena buti ko akala odborija, okola so služinena ko Vodeće telo svako kurko ćedena pe te vaćeren ando potrebe ki amari organizacija. Ko odola sastankija, on vaćerena odolestar so pisini ko Devleso Lafi, mukhena te vodini len e Devleso duho hem trudinena pe složno te anen odluke (Dela apostolska 15:25).

 On tane verna hem odgovorna hrišćanija kola pomožinena ko razna odborija ando Vodeće telo (1. Korinćanima 4:2). On tane sposobna hem iskusna asi buti koja nadgledini o odbor kaj služinena hem svako kurko isi len pe sastankija. Iako on na anena odluke, on pomožinena ađahar so dena šukar predlogija hem informacije, ćerena premalo odova so hine odlučimo hem redovno pratinena o rezultatija ando odola odluke. Isto ađahar, o phralja ando Vodeće telo bićhalena len te posetinen e phralen ko razna thana hem te ićeren govorija ko posebna skupija, sar soj tane e beršese sastankija ja i graduacija andi škola Galad.