Σκέφτινε ακαβά παράδειγμας: Η Χέδερ αρχισάλι τι νικιόλ με τον Μάικ πριν από ντούι μάσεκ, αλλά νιωθίνελα σαρ τι τζανέλα-λες σαρί πι ζωή. Μπουτσσαβένα συνέχεια μηνύματα ο εκ ι γιαβερέσκε, κερένα λάφι κο τηλέφωνος μπουτ σαάτια ντα ισί σαρ τι τζανένα από πριν σο κα βακερέλ ο εκ κο γιαβέρ! Αλλά ακανά να ερεσέλα τον Μάικ εκ απλή συζήτηση, μανγκέλα κάτι παραπάνω.

Ανταλά ντούι μάσεκ, ο Μάικ ντα η Χέδερ ο μόνος σο κερντέ ισινέ τι ασταρέν-πες κατά βας ντα ίσα ίσα σο τσσουμίντενας-πες. Η Χέδερ να μανγκέλα τι κερέν κάτι παραπάνω. Αλλά να μανγκέλα τι χασαρέλ τον Μάικ-ντα. Καέκ να κερέλα-λα τι νιωθίνελ αζόμ σουκάρ ντα αζόμ ξεχωριστή. “Ντα ακανά σο σκεφτίναβα-λες”, βακερέλα αντρά-πέσταρ, “με τον Μάικ μανγκάσα-αμέν . . .”

Άμα ισινάνας κι θέση της Χέδερ ντα σε ηλικία τι νικιός ραντεβού, σο κα κερέας;

Άμα να ντινάν σημασία σε εκ φυσικός νόμος, σαρ ισί ο νόμος της βαρύτητας, κα τθερές μπέτι αποτελέσματα. Ο ίδιος κα αβέλ-πες άμα να ντινάν σημασία σε εκ ηθικός νόμος σο ισί κι Γραφή, σαρ οντουβά σο βακερέλα: «Τι νασέν κατά λουμνιπέ».​—1 Θεσσαλονικείς 4:3.

Σο αποτελέσματα κα τθερές άμα να κα ασουνές ανταγιά εντολή; Η Αγία Γραφή βακερέλα: «Οντουβά σο κερέλα λουμνιπέ αμαρτίνελα πι ίδιε πι σωμάστε». (1 Κορινθίους 6:​18) Σαρ αβέλα-πες ανταβά;

 Ο ερευνητές αγαντέ ότι μπουτ τερνέ σο κερένα σεξ πριν τι παντρίνεν, ο πιο μπουτ φαρ, τθερένα εκ ή πιο μπουτ μπέτι αποτελέσματα ακαλένταρ σο ισί πιο τελέ.

• ΤΘΕΡΕΝΑ ΣΤΕΝΑΧΩΡΙΑ. Ο πιο μπουτ τερνέ σο κερένα σεξ πριν τι παντρίνεν βακερένα ότι σοράν μετανιώνενα.

• ΝΑ ΝΤΕΝΑ ΜΠΕΣΑ ΚΟ ΓΙΑΒΕΡ. Μετά κατά σεξ, ο κάθε εκ λένταρ αρχίνελα τι σκεφτίνελ: “Καλέ γιαβερέσαρ ή γιαβεράσαρ κερντάς σεξ;”

• ΤΘΕΡΕΝΑ ΑΠΟΓΟΗΤΕΥΣΗ. Κι πραγματικότητα, μπουτ τσσαγιά κα μανγκένας εκχέ τζενές τι αρακχαβέλ-λεν, όχι τι χουχαβέλ-λεν. Επίσης, μπουτ τσσαβέ αγαβένα ότι να μπεϊντίνενα αζόμ μπουτ ι τσσαΐν σο σοτέ λέντζαρ.

• Ο πιο σημαντικός: Άμα κερντάν σεξ πριν τι παντρίνες, κα μειώνες το νεαυτός ντα επίσης κα χασαρές κάτι μπουτ σημαντικός. (Ρωμαίους 1:​24) Το σώμας τθερέλα μπουτ μπαρί αξία, οτθάρ δεν πρέπει τι χρησιμοποιήνες-λες με μπέτι τρόπος!

Σίκαβ ότι τθερέσα ζουρανό χαρακτήρας για “τι νασές κατά λουμνιπέ”. (1 Θεσσαλονικείς 4:3) Όταν κα παντρίνες, κα μπορίνες τι κερές σεξ. Ντα κα απολαμβάνες-λες μπαγιά, χωρίς τι τθερές αισθήματα σαρ ισί η νταρ, ο ανησυχίες ντα ο τύψεις σο μπουτ φαρ βασανίνενα οντουλέν σο κερένα σεξ πριν τι παντρίνεν.​—Παροιμίες 7:​22, 23· 1 Κορινθίους 7:3.

• Άμα κάποιος μανγκέλα-τουτ μπαγιά, κα τσσουβέλας σε κίνδυνος τι υγεία ντα το συναισθήματα;

• Άμα κάποιος πφαμπόλα τούκε μπαγιά, κα τσσουβέλας-τουτ κο πειρασμός τι κερές κάτι σο κα μπορίνελας τι χαλαβέλ τι σχέση ι Ντεβλέσαρ;​—Εβραίους 13:4.