Ο Ιεχωβά a Ντεβέλ παντριντάς ι πρώτε ντουέ τζενέν. Η Αγία Γραφή βακερέλα αμένγκε ότι λατσσαρντάς, δηλαδή κερντάς, ι πρώτε τζουβλιά ντα «αντάς-λα κο τζενό». Ο Αδάμ ισινέ αζόμ ευτυχισμέ σο βακερντάς: «Ανταβά ισί επιτέλους κόκαλος μι κοκαλένταρ ντα σώμας μι σωμάσταρ». (Γένεση 2:22, 23) Αμαρέ ντιβεσέντε-ντα, ο Ιεχωβά μανγκέλα τι αβέν ευτυχισμέ ο παντριμέ τζενέ.

Όταν παντρίνενα, μπορεί τι αμντίνεν ότι να κα τθερέν προβλήματα. Όμως, η αλήθεια ισί ότι ατζέ-ντα οντουλά σο μανγκένα μπουτ ο εκ ι γιαβερές κα τθερέν προβλήματα. (1 Κορινθίους 7:28) Ανταλέ ειδικέ βιβλιαριόστε, κα αρακχέν συμβουλές κατά Αγία Γραφή σο, άμα κα κερέν-λεν, κα βοηθίνεν-τουμέν τι αβέν ευτυχισμέ τουμαρέ παντριάτε ντα τουμαρέ φαμιλιάτε.​—Ψαλμός 19:8-11.

ΣΟ ΒΑΚΕΡΕΛΑ Η ΑΓΙΑ ΓΡΑΦΗ: Ο μουρς ισί ο σορό κι φαμιλί.​—Εφεσίους 5:23.

Άμα ισινέν ο ρομ, ο Ιεχωβά μπεσέλα τουμένταρ τι τθερέν τουμαρέ γκοντιάτε ο ανάγκες τουμαρέ ρομνιάκε. (1 Πέτρου 3:7) Λατσσαρντάς-λα για τι βοηθίνελ-τουμέν ντα μανγκέλα τι σικαβέν λάκε σεβασμός ντα αγάπη. (Γένεση 2:18) Πρέπει τι μανγκέν τουμαρέ ρομνιά αζόμ μπουτ σο κα κερέν πρώτα ο πράγματα σο ισί λάκε λατσσιμάσκε, αντράλ τουμαρέ γκίσταρ, ντα σοράν ο πράγματα σο ισί τουμαρέ λατσσιμάσκε.​—Εφεσίους 5:25-29.

Άμα ισινέν η ρομνί, ο Ιεχωβά μπεσέλα τουμένταρ τι σεβάνεν μπουτ τουμαρέ ρομές ντα τι βοηθίνεν-λες τι κερέλ οντουβά σο μανγκέλα λέσταρ ο Ιεχωβά. (1 Κορινθίους 11:3· Εφεσίους 5:33) Όταν τουμαρό ρομ λέλα εκ απόφαση, πρέπει τι στηρίνεν-λες ντα τι βοηθίνεν-λες αντράλ τουμαρέ γκίσταρ. (Κολοσσαείς 3:18) Αντικάς κα αβέν σουκάρ κο γιακχά τουμαρέ ρομέσκε ντα κι Ιεχωβάσκε.​—1 Πέτρου 3:1-6.

ΣΟ ΜΠΟΡΙΝΕΝΑ ΤΙ ΚΕΡΕΝ:

• Πουτσέν ο εκ ι γιαβερές σαρ κα αβέν πιο λατσσό ρομ ή πιο λατσσί ρομνί. Ασουνέν με προσοχή ντα κερέν σο νακχέλα τουμαρέ βαστέσταρ για τι αβέν πιο λατσσέ

• Τι κερέν υπομονή. Πρέπει τι νακχέλ καιρός για τι σικλιόν ο ντούι-ντα σαρ κα κερέν ο εκ ι γιαβερές ευτυχισμέ

ΣΟ ΒΑΚΕΡΕΛΑ Η ΑΓΙΑ ΓΡΑΦΗ: Κι φαμιλί, εμ ο μουρς εμ η τζουβέλ πρέπει τι σκεφτίνεν σαρ τι κερέν λατσσιπέ ο εκ κο γιαβέρ. (Φιλιππησίους 2:3, 4) Τι σικαβέν ότι τθερέλα μπαρί αξία τουμένγκε ντα τι ντεν-τουμέν γκοντί ότι ο Ιεχωβά μανγκέλα πι τζενένταρ τι αβέν “ήρεμοι σαριλέντζαρ”. (2 Τιμόθεο 2:24) «Όταν εκ τζενό κερέλα λάφι χωρίς τι σκεφτίνελ, ισί σαρ τι ντελ ι γιαβερέν τσσουριάσαρ, αλλά οντουλά σο κερένα λάφι με σοφία κερένα λατσσιπέ ι γιαβερένγκε». Οτθάρ, τι τραμπίνεν σο λάφια κα βακερέν προτού τι κερέν λάφι. (Παροιμίες 12:18) Ο άγιος πνεύμας ι Ιεχωβάσκο κα βοηθίνελ-τουμέν τι κερέν λάφι σουκάρ ντα με αγάπη.​—Γαλάτες 5:22, 23· Κολοσσαείς 4:6.

ΣΟ ΜΠΟΡΙΝΕΝΑ ΤΙ ΚΕΡΕΝ:

• Πριν τι κερέν λάφι τουμαρέ ρομέσαρ ή τουμαρέ ρομνιάσαρ για κάτι σημαντικός, προσευχίντιβεν για τι βοηθίνελ-τουμέν ο Ντεβέλ τι αβέν αγαπημέ ντα τι ατσσόν ήρεμοι

• Τι σκεφτίνεν μπουτ λατσσές σο κα βακερέν ντα σαρ κα βακερέν-λες

ΣΟ ΒΑΚΕΡΕΛΑ Η ΑΓΙΑ ΓΡΑΦΗ: Όταν παντρίνενα εκχέ τζενέσαρ, αβένα «εκ σώμας» λέσαρ. (Ματθαίος 19:5) Όμως, συνεχίνενα τι αβέν ντούι τζενέ σο σκεφτίνενα διαφορετικά. Οτθάρ, πρέπει τι σικλιόν τι αβέν ενωμέ οντουλέντε σο σκεφτίνενα ντα αισθάντιβενα. (Φιλιππησίους 2:2) Ισί μπουτ σημαντικός τι αβέν ενωμέ όταν πρέπει τι λεν αποφάσεις. Η Αγία Γραφή βακερέλα: «Η σοφία ισί οντουλέντζαρ σο μανγκένα συμβουλή ο εκ κατά γιαβέρ». (Παροιμίες 13:10) Άρα, ισί λατσσό τι ασουνέν ο συμβουλές ι Γραφιάκε όταν λένα, γιεκ, σημαντικές αποφάσεις.​—Παροιμίες 8:32, 33.

ΣΟ ΜΠΟΡΙΝΕΝΑ ΤΙ ΚΕΡΕΝ:

• Τι βακερέν ο εκ κο γιαβέρ σαρέ οντουλά σο νιωθίνενα ντα όχι σάντε οντουλά σο αβένα-πες ή σο σκεφτίνενα

• Τι πουτσέν ο εκ ι γιαβερές πριν τι κερέν κάτι σημαντικός