Πφραλάλεν ντα πφενιάλεν σο μανγκάσα-τουμέν,

Η αγάπη ι Ντεβλέσκε ντα ι τζενένγκε τσσίντελα-αμέν τι “τζας ντα τι κεράς μαθητέν σαρέ κατά τθεμά, ντα τι μπολάς-λεν”. (Ματθ. 28:​19, 20· Μάρκ. 12:​28⁠-31) Κάνα μανγκάσα μπαγιά ι τζενέν, κα μπορίνας τι βοηθίνας οντουλέν σο “λένγκο γκι μανγκέλα τι σικλιόλ ι αλήθεια σο ντέλα ζωή για πάντα”.​—Πράξ. 13:48.

Ανγκλέ, βακεράας ότι πρέπει τι σικλιάς αβριάλ παρουσιάσεις ντα τι ντας έντυπα. Ακανά χρειαζίντιβελα τι προσπαθίνας τι κεράς πο λατσσέ συζητήσεις. Μανγκάσα τι σικαβάς αγάπη ι τζενένγκε. Ανταβά κεράσα-λες κάνα κεράσα λέντζαρ λάφι πραγματένγκε σο μανγκένα βον τι συζητίνεν. Ανταβά μανγκέλα τι βακερέλ τι αβάς έτοιμοι τι αλλάνας αμαρό θέμας ντα τι σκεφτίνας προσεκτικά σο πρόβλημας τθερέλα ο κάθε εκ ντα σο μανγκέλα τι συζητίνελ. Σαρ κα βοηθίνελ-αμέν ανταβά βιβλιάριος τι κεράς-λες ανταβά;

Ο βιβλιάριος τθερέλα 12 μαθήματα σο εξετάνενα ο ιδιότητες σο χρειαζίντιβελα τι μπαριαράς για τι σικαβάς αγάπη ντα τι κεράς μαθητέν. Κάθε μάθημας βασίντιβελα εκχέ ιστοριάτε κατά Γραφή σο ασχολίντιβελα με εκ ιδιότητα σο σικαντάς κο έργος ο Ιησούς ή κάποιος κατά πρώτοι Χριστιανοί. Αμαρό στόχος νανέ τι σικλιάς αβριάλ παρουσιάσεις, αλλά τι ρόντας τρόπους για τι σικαβάς ι τζενένγκε ότι μανγκάσα-λεν. Παρόλο σο σαρέ ανταλά ιδιότητες ισί σημαντικές ι κάθε τροπόσκε σο κεράσα έργος, κα ντικχάς σόσκε κάποιες συγκεκριμέ ιδιότητες ισί ατζέ πο σημαντικές κάνα αρχίνασα συζητήσεις, κάνα κεράσα επανεπισκέψεις ή κάνα κεράσα μελέτες.

Καζόμ ντικχένα ο κάθε μάθημας, σκεφτίνεν προσεκτικά σαρ μπορίνενα τι σικαβέν ανταγιά ιδιότητα κάνα κερένα λάφι ι τζενέντζαρ τουμαρέ περιοχιάτε. Τι προσπαθίνεν τι κερέν πο ζουρανί τουμαρί αγάπη ι Ιεχωβάσκε ντα ι τζενένγκε. Ανταγιά αγάπη κα βοηθίνελ-τουμέν πο μπουτ σαρέ κατά γιαβερά τρόποι. Σάντε αντικάς κα ερεσέν κο στόχος σο τθερένα τι κερέν μαθητέν.

Εκτιμίνασα ο μπαρό προνόμιος σο τθεράσα τι κεράς μπουτί γιεκ σαρέ τουμέντζαρ. (Σοφ. 3:9) Μακάρι τι ευλογίνελ-τουμέν μπουτ ο Ιεχωβά καζόμ συνεχίνενα τι μανγκέν ι τζενέν ντα τι κερέν μαθητέν!