Κο κάθε τθεμ, ο τζενέ ντικχένα γιαβερέ τροπόσαρ ι μολ. Μερικά τζενέ μπεϊντίνενα τι πιν μπάζιμ πουμαρέ αμαλέντζαρ. Γιαβερά τραμπίνενα μα τι πιν ιτς. Ντα γιαβερά πίνα αζόμ μπουτ σο ματιόνα. Σο βακερέλα η Αγία Γραφή ι μολιάκε;

1. Ισί κακός τι πιας;

Η Γραφή να βακερέλα αμένγκε ότι δεν πρέπει τι πιας. Οκιά μπάνταρ, αντρέ κο μπουτ δώρα σο ντινάς-αμέν ο Ντεβέλ, η Γραφή βακερέλα ότι η “μολ κερέλα ι τζενέσκο γκι τι χαιρίνελ”. (Ψαλμός 104:14, 15) Η Γραφή βακερέλα ότι μερικά πιστά μουρσά ντα τζουβλιά πίνας.​—1 Τιμόθεο 5:23.

2. Καλά συμβουλές ντέλα η Γραφή κο τζενέ σο τραμπίνενα τι πιν;

Ο Ιεχωβά βακερέλα ότι ισί λάθος τι πιας μπουτ ντα τι ματιάς. (Γαλάτες 5:21) Ο Λάφι λέσκο βακερέλα: «Μα τι αβές οντουλένταρ σο πίνα μπουτ μολ». (Παροιμίες 23:20) Άμα τραμπιντάμ τι πιας, δεν πρέπει—​ατζέ-ντα κάνα ισινάμ κορκορέ—​τι πιας αζόμ μπουτ σο να κα μπορίνας τι σκεφτίνας λατσσές, να κα μπορίνας τι ατσσικιαράς αμαρέ λάφια ντα οντουλά σο κεράσα ή τι κεράς ζιάνι κι υγεία αμαρί. Άμα ναστί κεράσα κουμάντος καμπόρ κα πιας, πρέπει τι αβάς έτοιμοι τι τσσιναβάς ντιπ ι μολ.

3. Σαρ κα σεβάνας οντουλά σο τραμπίνενα ο γιαβερά ι μολιάκε;

Άμα κα πιλ εκ τζενό ή όχι ισί λέσκι απόφαση. Δεν πρέπει τι κρίνας εκχέ τζενές σο τραμπίνελα τι πιλ χωρίς τι νακχαβέλ ο όρια ούτε τι ζορισκιαράς εκχέ τζενές σο να μανγκέλα τι πιλ. (Ρωμαίους 14:10) Επίσης, δεν πρέπει τι πιας άμα τζανάσα ότι ανταβά κα κερέλ ζιάνι ι γιαβερένγκε. (Διαβάνεν Ρωμαίους 14:21) Μανγκάσα «όχι [αμαρό] συμφέρον, αλλά ι γιαβερέσκο».​—Διαβάνεν 1 Κορινθίους 10:23, 24.

 ΧΑΝΤΖΟΥΒ ΠΟ ΑΧΟΡΤ

4. Τράμπινε άμα κα πις

Σο πακιάλας ο Ιησούς ι πιμάσκε; Για τι σικλιός ι απάντηση, ντικχ ο πρώτος θαύμας σο κερντάς. Διαβάνεν Ιωάννης 2:1-11 ντα σοράν συζητίνεν ο ερωτήσεις:

• Σαρ σικαβέλα ανταβά θαύμας, σαρ ντικχέλας ο Ιησούς ι μολ ντα οντουλέν σο πίνα μολ;

• Αφού ο Ιησούς να βακερντάς ότι ισί λάθος τι πιλ εκ τζενό, σαρ πρέπει τι ντικχέλ εκ Χριστιανός οντουλέν σο τραμπίνενα τι πιν;

Όμως, παρόλο σο εκ Χριστιανός τθερέλα ο δικαίωμας τι πιλ ανταβά να μανγκέλα τι βακερέλ ότι ισί πάντα γκοντιαβέρ τι πιλ. Διαβάνεν Παροιμίες 22:3 ντα σκέφτινε σαρ κα επηρεάνεν-τουτ οντουλά σο ισί πο τελέ άμα κα πις ή όχι:

• Κα οδηγίνες ή κα κερές μπουτί εκχέ μηχανημάσαρ.

• Ισινάν κχαμνί.

• Ο γιατρός βακερντάς τούκε μα τι πις μολ.

• Να μπορίνεσα τι ατσσικιαρές το νεαυτός ντα πίσα μπουτ.

• Ο νόμος να μουκχέλα-τουτ τι πις.

• Ισινάν εκχέ τζενέσαρ σο τραμπιντάς μα τι πιλ ιτς σόσκε ανγκλέ ναστί ατσσικιαρέλας-πες ντα πίλας μπουτ.

Πρέπει τι ντες μολ εκχέ μπιαβέστε ή σε γιαβερά συγκεντρώσεις; Για τι ντικχές σο κα βοηθίνελ-τουτ τι λες ανταγιά απόφαση, ντικχέν ο ΒΙΝΤΕΟΣ.

Διαβάνεν Ρωμαίους 13:13 ντα 1 Κορινθίους 10:31, 32. Αφού κα διαβάνεν ο κάθε εδάφιος, συζητίνεν ι ερώτηση:

• Άμα κερντάν ανταγιά αρχή, σαρ κα βοηθίνελ-τουτ τι λες εκ απόφαση σο κα κερέλ ι Ιεχωβάσκο γκι;

 5. Τράμπινε καζόμ κα πις

Άμα τραμπίνεσα τι πις, τι τθερές τι γκοντιάτε ακαβά: Παρόλο σο ο Ιεχωβά να βακερέλα ότι ισί λάθος τι πιας, βακερέλα ότι ισί λάθος τι πιας μπουτ. Σόσκε; Διαβάνεν Ωσηέ 4:11, 18 ντα σοράν συζητίνεν ι ερώτηση:

• Σο μπέκιμ τι αβέλ-πες άμα εκ τζενό κα πιλ μπουτ;

Σο κα βοηθίνελ-αμέν μα τι πιας μπουτ; Η μετριοφροσύνη, δηλαδή τι αγαβάς αμαρέ όρια. Διαβάνεν Παροιμίες 11:2 ντα σοράν συζητίνεν ι ερώτηση:

• Σόσκε ισί λατσσό τι τσσουβές εκ συγκεκριμέ όριος καζόμ κα πις;

6. Σο κα βοηθίνελ εκχέ τζενές τι τσσιναβέλ τι πιλ μπουτ

 ΧΑΝΙΚ ΛΑΦΙΝΤΖΑΡ

Ο Ιεχωβά ντινάς-αμέν ι μολ για τι απολαμβάνας-λα, αλλά βακερέλα ότι ισί λάθος τι πιας μπουτ ντα τι ματιάς.

Σο Σικλιλάν;

• Σο βακερέλα η Γραφή ι μολιάκε;

• Σο πρόβλημας μπορεί τι κερέλ ο μπουτ πιπέ;

• Σαρ μπορίνασα τι σεβάνας οντουλά σο τραμπίνενα ο γιαβερά τζενέ τι κερέν ι μολιάσαρ;