Ι ΤΕΡΝΕΝΓΚΕ
9: Κον Ισινάν Μπαγιά
ΣΟ ΜΑΝΓΚΕΛΑ ΤΙ ΒΑΚΕΡΕΛ
Το ναβ ντα τι εμφάνιση να ερεσένα για τι αγαβές κον ισινάν μπαγιά. Πρέπει τι τζανές καλά πράγματα ισί σημαντικά τούκε, σο πακιάσα ντα το χαρακτήρας. Κι πραγματικότητα, οντουβά σο ισινάν μπαγιά ντικχίντιβελα εμ αντράλ εμ αβριάλ.
ΣΟΣΚΕ ΙΣΙ ΣΗΜΑΝΤΙΚΟΣ
Κάνα τζανέσα μπουτ λατσσές κον ισινάν μπαγιά, υπερασπίνεσα οντουλά σο πακιάσα ντα να μουκχέσα ι γιαβερέ τερνέν τι κερέν-τουτ κουμάντος.
«Μπουτ τζενέ ισί σαρ ο κούκλες κο βιτρίνες. Να τραμπίνενα βον ο σέα σο ιρίνα. Τραμπίνενα-λεν ο γιαβερά».—Άντριαν.
«Σικλιλόμ τι βακεράβ καβά ισί ο σωστός ατζέ-ντα κάνα νανέ εύκολος. Αγαβάβα καλά ισί μπαγιά μο αμαλά κατά συμπεριφορά λένγκι, αλλά εμ κατά συμπεριφορά μιρί κάνα ισινόμ λέντζαρ».—Κόρτνι.
ΑΡΧΗ ΚΑΤΑ ΓΡΑΦΗ: «Μα μουκχέν τουμαρό νεαυτός τι επηρεάντιβελ ανταλέ ντουνιάσταρ, αλλά τι αλλάνεν ντα τι τσσουβέν νεβέ πράγματα τουμαρέ γκοντιάτε».—Ρωμαίους 12:2.
ΣΟ ΜΠΟΡΙΝΕΣΑ ΤΙ ΚΕΡΕΣ
Σκέφτινε σο τζενό ισινάν ακανά ντα σο τζενό μανγκέσα τι αβές. Τι αγαβές καλά πράγματα κερέσα λατσσές, καλά ναστί κερέσα λατσσές ντα σο πακιάσα. Κα αβέλας λατσσό πρώτα τι απαντίνες κο ερωτήσεις σο ισί πο τελέ.
Πράγματα σο κεράβα λατσσές: Καλά ταλέντα ντα ικανότητες τθεράβα; Καλά πράγματα κεράβα λατσσές; (Για παράδειγμας: Κεράβα σωστά σαρέ μο μπουτιά ντα μι σαατίστε; Ατσσικιαράβα-μαν; Ισινόμ μπουτιαρνό; Ντάβα αντράλ μι γκίσταρ;) Σο λατσσέ πράγματα κεράβα;
ΙΔΕΑ: Μήπως ναστί αρακχέσα κάτι λατσσό τι νεαυτόστε; Πουτς τι νταντές ντα τι νταγιά ή εκχέ λατσσέ αμαλές για τι βακερέλ τούκε καλέ πραγματέντε ντικχέλα ότι ισινάν λατσσό ντα σόσκε.
ΑΡΧΗ ΚΑΤΑ ΓΡΑΦΗ: «Ο κάθε εκ τουμένταρ τι σκεφτίνελ με προσοχή οντουλά σο κερέλα, ντα αζομάν κα τθερέλ λόγος τι χαιρίνελ σάντε οντουλέσκε σο κερντάς βοβ ντα όχι επειδή συγκρίνελα-πες ι γιαβερέσαρ».—Γαλάτες 6:4.
Πράγματα σο να κεράβα λατσσές: Κατέ πρέπει τι αβάβ πο λατσσό; Κάνα ισί πο εύκολος τι περάβ κο πειρασμούς; Καλέ πραγματέντε μπορίναβα τι ατσσικιαράβ-μαν πο μπουτ;
ΑΡΧΗ ΚΑΤΑ ΓΡΑΦΗ: «Αν κα βακεράς: “Να τθεράσα αμαρτία”, χουχαβάσα αμαρό νεαυτός».—1 Ιωάννη 1:8.
Οντουλά σο πακιάβα: Καλά πράγματα σο βακερένα σαρ τι ατσσάς πάκι κι Ντεβλέσκε γιακχά κεράβα, ντα σόσκε; Πακιάβα κο Ντεβέλ; Καλά πράγματα κερντέ-μαν τι πακιάβ ότι υπαρχίντιβελα; Καλά πράγματα πακιάβα ότι νανέ σωστά, ντα σόσκε; Σο πακιάβα ότι κα αβέλ-πες κο μέλλον;
ΑΡΧΗ ΚΑΤΑ ΓΡΑΦΗ: «Η ικανότητα τι σκεφτίνες ντα τι αγαβές κα αρακχαβέλ-τουτ».—Παροιμίες 2:11.
Μπέκιμ τι Μπεϊντίνεν Επίσης
ΑΠΑΝΤΗΣΕΙΣ ΣΕ 10 ΕΡΩΤΗΣΕΙΣ ΣΟ ΚΕΡΕΝΑ Ο ΤΕΡΝΕ
Κον Ισινόμ;
Όταν τζανέσα σο ισί σημαντικός τούκε, ο πράγματα σο τζανέσα τι κερές λατσσές, σο να μπορίνεσα τι κερές ντα το στόχοι, κα λες λατσσέ αποφάσεις όταν ο γιαβερά πιένενα-τουτ.
