Διόρθωση μανγκέλα τι βακερέλ τι σικαβέλ τούκε κάποιος ο ντρομ ή τι σικλιαρέλ-τουτ. Ντα μπάζιμα μανγκέλα τι βακερέλ κάνα εκ ντατ ή εκ ντάι διορθώνελα πι τσσαβές για εκ λάθος σο κερντάς. Ο πο μπουτ φαρ όμως η διόρθωση βοηθίνελα εκχέ τσσαβές τι σικλιόλ σαρ τι ατσσόλ πάκι κι Ντεβλέσκε γιακχά ντα σαρ τι λελ από την αρχή λατσσέ αποφάσεις.

Ο τελευταία μπρεσά, η διόρθωση σχεδόν να ντιντιόλα μερικέ φαμιλίντε, σόσκε ο νταντά ντα ο νταγιά νταρένα ότι άμα κα διορθώνεν πουμαρέ τσσαβέν κα κερέν-λεν τι αμντίνεν ότι να τθερένα αζόμ μπουτ αξία. Όμως, ο λατσσέ νταντά ντα νταγιά τσσουβένα γκοντιαβέρ κανόνες ντα σικλιαρένα πουμαρέ τσσαβέν τι κερέν-λεν.

«Ο τσσαβέ χρειαζίντιβενα όρια για τι αβέν γκοντιαβέρ τζενέ κο μπάριπε. Ο τσσαβέ σο να λένα διόρθωση ισί σαρ καράβια χωρίς πηδάλιος, δηλαδή τιμόνι, νικιόνα τελικά αβρί πουμαρέ ντρομέσταρ ή βουλιάνενα».​—Πάμελα.

Τι αβέν σταθεροί. Άμα τουμαρό τσσαβό να ντέλα καν κο κανόνες σο τθερένα, τσσουβέν-λες τιμωρία. Οκιά μπάνταρ, άμα ντέλα καν κο κανόνες ανταλά, μα σακιντίνεν τι ισαρέν-λες.

«Ισαράβα μπουτ φαρ μι τσσαβέν κάνα ντένα καν, επειδή ανταβά να κερένα-λες σαρέ ο τσσαβέ ντα ο τσσαγιά. Ο ισαριπέ βοηθίνελα-λεν τι δεχτίνεν ι διόρθωση κάνα χρειαζίντιβελα».​—Κριστίν.

ΑΡΧΗ ΚΑΤΑ ΓΡΑΦΗ: «Σο φυτίνελα ο τζενό, οντουβά κα γκίντελ».​—Γαλάτες 6:7.

Τι αβέν λογικοί. Κάνα ντικχένα καζόμ μπαρό ισί εκ λάθος, τι σκεφτίνεν ι ηλικία τουμαρέ τσσαβέσκι ντα σο μπορίνελα τι κερέλ. Η τιμωρία μπουτ φαρ τθερέλα πο λατσσέ αποτελέσματα κάνα τθερέλα τι κερέλ με το λάθος σο κερντάς—για παράδειγμας, άμα τουμαρό τσσαβό χρησιμοποιηντάς λάθος τροπόσαρ ο τηλέφωνος, κα μπορίνενας τι βακερέν λέσκε ότι να κα λελ-λες πάλι πι βαστέντε χάνικ ντιβεσά. Όμως, μα πουτρέν σαστό θέμας χουρντέ πραγματένγκε σο απλά να μπεϊντίνενα τουμέν.

«Προσπαθίναβα τι αγαβάβ άμα μο τσσαβό να ντέλα-μαν καν επίτηδες ή άμα απλά κερντάς εκ λάθος χωρίς τι μανγκέλ. Γιαβέρτουλους διορθώνεσα εκ μπαρό πρόβλημας σο πρέπει τι νικιόλ ριζάσαρ ντα γιαβέρτουλους εκ λάθος σο απλά πρέπει τι βακερές τι τσσαβέσκε τι τθερέλ πι γκοντί».—Γουέντελ.

ΑΡΧΗ ΚΑΤΑ ΓΡΑΦΗ: «Μα νευριάνεν τουμαρέ τσσαβέν, για μα τι πφανγκιόλ λένγκο γκι».​—Κολοσσαείς 3:2.

Τι σικαβέν αγάπη. Ο τσσαβέ δεχτίνενα πο εύκολα ι διόρθωση κάνα τζανένα ότι ο λόγος σο ντέλα-λα ο ντα ή η ντάι ισί η αγάπη.

«Κάνα αμαρό τσσαβό κερέλας λάθη, βακεράας λέσκε ότι ισινάμας περήφανοι σαρέ για το λατσσέ αποφάσεις σο λιντάας ανγκλέ. Βακεράας λέσκε ότι λέσκο λάθος κα μπιστάρντιβελας για πάντα άμα κα κερέλας οντουβά σο έπρεπε για τι διορθώνελ-λες, ντα επίσης ότι κα αβάας πασέ λέστε για τι βοηθίνας-λες».—Ντάνιελ.

ΑΡΧΗ ΚΑΤΑ ΓΡΑΦΗ: «Η αγάπη κερέλα υπομονή ντα σικαβέλα λατσσιπέ».​—1 Κορινθίους 13:4.